តារាឆ្នេីមអាស៊ី Son Heung-Min ស៊ុតបញ្ចូលទី២គ្រាប់ ខណៈ Arsenal និង Spurs ចែកគ្នាម្នាក់១ពិន្ទុ
តារាឆ្នេីមអាស៊ី Son Heung-Min ស៊ុតបញ្ចូលទី២គ្រាប់ ខណៈ Arsenal និង Spurs ចែកគ្នាម្នាក់១ពិន្ទុ
កាលពីរាត្រីថ្ងៃអាទិត្យ ទី២៤ ខែកញ្ញានេះតារាឆ្នើមអាស៊ី កីឡាករ Son Heung-Min បានស៊ុតបញ្ចូលទី២គ្រាប់ ក្នុងជំនួប London Derby រវាងក្រុមកាំភ្លើងធំ Arsenal ជាមួយក្រុមមាន់ខ្នាយមាស Tottenham Hotspur នៅEmirates Stadium ។
ការប្រកួតដែលធ្វើឡើងក្រោមក្រសែភ្នែកអ្នកទស្សនាផ្ទាល់ជាង៦ម៉ឺននាក់ បានបញ្ចប់ទៅដោយលទ្ធផលស្មើគ្នា ២-២ ។ ២គ្រាប់របស់ម្ចាស់ផ្ទះ Arsenal រកបានដោយកីឡាករ Bukayo Saka និងគ្រាប់បាល់ចូលទីខ្លួនឯងរបស់ Cristian Romero ខណៈ២គ្រាប់របស់ spure រកបានដោយ Son Heung-Min ម្នាក់ឯង។
តាមរយៈលទ្ធផលស្មេីគ្នានេះ ដូច្នេះក្រុមទាំងពីរចែកគ្នាម្នាក់១ពិន្ទុ ដែលនាំឲ្យពួកគេទាំងពីរ មាន ១៤ពិន្ទុស្មើគ្នា ដោយ Spurs ឈរនៅលេខ៤ រីឯ Arsenal ឈរនៅលេខ៥ នៅ Premier League ២០២៣/២៤នេះ។
គួរបញ្ជាក់ថា សបា្តហ៍ក្រោយ ក្រុមកាំភ្លើងធំ Arsenal នឹងត្រូវធ្វើដំណើរទៅសួរសុខទុក្ខក្រុម Brentford ខណៈ Spure ត្រូវធ្វើការធ្ងន់ ដោយត្រូវបេីកទ្វារផ្ទះស្វាគមន៍ក្រុមហង្សក្រហម Liverpool៕
