លឹម ពិសុទ្ធ ដាក់គោលដៅយក ៣ពិន្ទុ ក្នុងជំនួបដ៏តានតឹងជាមួយវិសាខា ចុងសប្ដាហ៍នេះ

លឹម ពិសុទ្ធ ដាក់គោលដៅយក ៣ពិន្ទុ ក្នុងជំនួបដ៏តានតឹងជាមួយវិសាខា ចុងសប្ដាហ៍នេះ

ខ្សែប្រយុទ្ធវ័យក្មេងរបស់ក្លិបបាល់ទាត់ភ្នំពេញក្រោន កីឡាករ លឹម ពិសុទ្ធ កាលពីថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣នេះ បានដាក់គោលដៅថា នឹងយក៣ពិន្ទុឲ្យខានតែបាន ក្នុងជំនួបដ៏ធំប្រចាំសប្ដាហ៍ទី៥នេះ ជាមួយក្រុមសេះមាសវិសាខា។

កីឡាករ លឹម ពិសុទ្ធ បាននិយាយប្រាប់ទៅកាន់ក្លិបយ៉ាងដូច្នេះថា៖«ពួកគេ(វិសាខា) គឺជាក្រុមអស្ចារ្យមួយនៅក្នុងលីគកំពូលកម្ពុជា ប៉ុន្តែយើងបានឈ្នះពួកគេនៅការប្រកួត ៣លើកចុងក្រោយនេះ ដែលជាកម្លាំងចិត្តដ៏សំខាន់ ដើម្បីឲ្យយើងយក ៣ពិន្ទុ សម្រាប់ការប្រកួតនេះ»។

ទោះបីជាយ៉ាងណាក៏ដោយ កីឡាករដែលទើបតែជួយកម្ពុជាប្រកួតមិត្តផាពក្នុងថ្ងៃ FIFA DAY ថ្មីៗនេះ បានអះអាងថា ការប៉ះជាមួយវិសាខានេះ មិនមែនជាការប្រកួតងាយស្រួលឡើយសម្រាប់ក្រុម។ «វានឹងមិនមែនជាការប្រកួតងាយស្រួលនោះទេ សម្រាប់យើង ប៉ុន្តែយើងនឹងធ្វើគ្រប់យ៉ាង ដើម្បីការឈ្នះពួកគេទៀត ជាពិសេសនៅទីនោះ»។នេះជាការលើកឡើងរបស់ លឹម ពិសុទ្ធ។

គួរបញ្ជាក់ថា ក្រុមសឹងក្រហមភ្នំពេញក្រោន នឹងត្រូវប្រកួតជាមួយ ក្រុមសេះមាសវិសាខា នៅថ្ងៃអាទិត្យ ទី១៧ ខែកញ្ញា ឆ្នាំ២០២៣នេះ វេលាម៉ោង ៦:០០នាទីល្ងាច នៃពានរង្វាន់ CPL សប្តាហ៍៥៕