តោះ ! មកដឹងពីកីឡាករដែលទទួលបានពានរង្វាន់បុគ្គលពីការប្រកួតពានរង្វាន់ Sar Sokha Volleyball Challenge Cup

តោះ ! មកដឹងពីកីឡាករដែលទទួលបានពានរង្វាន់បុគ្គលពីការប្រកួតពានរង្វាន់ Sar Sokha Volleyball Challenge Cup

ដូចដែលប្រិយមិត្តបានដឹងហើយថា ក្លិបបាល់ទះស្នងការដ្ឋានខេត្តព្រះសីហនុ បានក្លាយជាម្ចាស់ពានរង្វាន់បាល់ទះឯកឧត្តមបណ្ឌិត ស សុខា ឬ Sar Sokha Volleyball Challenge Cup 2023 បន្ទាប់ពីយកឈ្នះជើងខ្លាំងស្រុកខ្មែរ សមាគមកីឡាបាល់ទះវិសាខា ក្នុងលទ្ធផល ៣ ទល់នឹង ២សិត នៅពហុកីឡដ្ឋានជាតិអូឡាំពិក។

ក្នុងការប្រកួតពានរង្វាន់បាល់ទះឯកឧត្តមបណ្ឌិត ស សុខា នេះ ចំណាត់ថ្នាក់លេខ១ បានទៅលើក្លិបបាល់ទះស្នងការដ្ឋានខេត្តព្រះសីហនុ លេខ២ បានទៅលើសមាគមកីឡាបាល់ទះវិសាខា រីឯលេខ៣ បានទៅលើក្លិបបាល់ទះបញ្ជាការដ្ឋានអង្គរក្ស ខណៈក្លិបបាល់ទាត់តាកែវ បានលេខ៤។

យ៉ាងណាមិញ អ្នកគាំទ្រ និងមហាជនមិនទាន់បានដឹងច្បាស់ទេថាតើកីឡាកររូបណាខ្លះបានឈ្នះពានបុគ្គល និងកីឡាកររូបណាជាប់ឈ្មោះជាកីឡាករល្អប្រចាំព្រឹត្តិការណ៍? ខាងក្រោមនេះជាកីឡាករ ដែលទទួលបានពានរង្វាន់កីឡាបាល់ទះ ឯកឧត្តមបណ្ឌិត ស សុខា ឆ្នាំ២០២៣៖

– កីឡាករ LIBERO ល្អជាងគេ បានទៅលើ កីឡាករ ខឹម សុវណ្ណដារ៉ា មកពីសមាគមកីឡាបាល់ទះវិសាខា

-កីឡាករលើកបាល់ល្អជាងគេ បានទៅលើ កីឡាករ PHAM THOAI KHUONG មកពីស្នងការដ្ឋាននគរបាលខេត្តព្រះសីហនុ

-កីឡាកររនាំងល្អជាងគេ បានទៅលើ កីឡាករ PELAYO BERNAL HENRY JOSE មកពីសមាគមកីឡាបាល់ទះវិសាខា

-កីឡាករវាយប្រយុទ្ធល្អជាងគេ បានទៅលើ កីឡាករ វឿនវាសនា មកពីសមាគមកីឡាបាល់ទះវិសាខា

-កីឡាករវាយសេវាល្អជាងគេ បានទៅលើ កីឡាករ វឿនវាសនា មកពីសមាគមកីឡាបាល់ទះវិសាខា

-កីឡាករឆ្នើម បានទៅលើ កីឡាករ វឿនវាសនា មកពីសមាគមកីឡាបាល់ទះវិសាខា៕