បញ្ជាការដ្ឋានអង្គរក្ស និងក្រសួងមហាផ្ទៃ ឈរកំពូលតារាង ពានរង្វាន់តេជោលីគ «Techo League» គិតត្រឹមសប្ដាហ៍ទី១
បញ្ជាការដ្ឋានអង្គរក្ស និងក្រសួងមហាផ្ទៃ ឈរកំពូលតារាង ពានរង្វាន់តេជោលីគ «Techo League» គិតត្រឹមសប្ដាហ៍ទី១
ការប្រកួតកីឡាបាល់ទះពានរង្វាន់ «តេជោលីគ» រដូវកាល ២០២៤~២៥ (Techo Volleyball Cambodia League) បានបញ្ចប់សប្ដាហ៍ទី១ ដោយក្នុងនោះគេសង្កេតឃើញថា មានចំនួន ២ក្រុម ដែលទទួលបាន ៩ពិន្ទុពេញ។
ក្រុមដែលឈរកំពូលតារាងគឺសមាគមកីឡាបាល់ទះក្រសួងមហាផ្ទៃ និងក្លិបបាល់ទះបញ្ជាការដ្ឋានអង្គរក្ស ដោយមាន ៩ពិន្ទុពេញ ខណៈវិសាខា ដែលជាធ្លាប់តែជាជើងខ្លាំងមួយរូបក្នុងវិស័យបាល់ទះនេះ កំពុងឈរនៅលេខរៀងទី៣ មាន ៦ពិន្ទុ។
ខាងក្រោមនេះ ជាតារាងពិន្ទុ ក្នុងសប្ដាហ៍ទី១ តេជោលីគ «Techo League» Season 2024-25 ៖
១ សមាគមកីឡាបាល់ទះក្រសួងមហាផ្ទៃ ៩ពិន្ទុ
២ ក្លិបបាល់ទះបញ្ជាការដ្ឋានអង្គរក្ស ៩ពិន្ទុ
៣ សមាគមកីឡាបាល់ទះវិសាខា ៦ពិន្ទុ
៤ ក្លិបបាល់ទះកងពលធំអន្តរាគមន៍លេខ៣ ៥ពិន្ទុ
៥ក្លិបបាល់ទះស្នងការដ្ឋាននគបាលខេត្តស្វាយរៀង ៤ពិន្ទុ
៦ ក្លិបបាល់ទះស្នងការដ្ឋាននគរបាលរាជធានីភ្នំពេញ ២ពិន្ទុ
៧ ក្លិបបាល់ទះស្នងការដ្ឋាននគរបាលខេត្តតាកែវ ១ពិន្ទុ
៨ ក្លិបបាល់ទះស្នងការដ្ឋាននគបាលខេត្តពោធិ៍សាត់ ០ពិន្ទុ ។
គួររំលឹកថា ព្រឹត្តិការណ៍ប្រកួតកីឡាបាល់ទះពានរង្វាន់ «តេជោលីគ» (Techo Volleyball Cambodia League) រដូវកាល ២០២៤~២៥ ត្រូវបានទទួលស្គាល់ ដោយសហព័ន្ធកីឡាបាល់ទះពិភពលោក បានចាប់ផ្ដើមប្រកួតជាផ្លូវការ ចាប់ពីថ្ងៃទី១០ ខែមករា ដល់ថ្ងៃទី២៣ ខែកុម្ភៈ ឆ្នាំ២០២៥ នៅសាលវិមាននៃពហុកីឡដ្ឋានជាតិ។
ចំពោះរូបមន្តនៃការប្រកួតពានរង្វាន់ខាងលើនេះ ត្រូវលេងចំនួន២ជុំ ដោយជុំទីមួយ មានចំនួន៨ក្រុម ហើយបន្តជម្រុះយកក្រុមដែលមានពិន្ទុច្រើនពីលេខ១ ដល់លេខ៦ លេងនៅជុំទី២ បន្ទាប់មកយកក្រុមដែលមានពិន្ទុខ្ពស់ចំនួន៤ លេងនៅវគ្គពាក់កណ្ដាលផ្ដាច់ព្រ័ត្រ៕
