ពានរង្វាន់បាល់ទះ «តេជោលីគ» រដូវកាល ២០២៤~២៥ ចាប់ផ្ដើមប្រកួតនៅថ្ងៃនេះ

ពានរង្វាន់បាល់ទះ «តេជោលីគ» រដូវកាល ២០២៤~២៥ ចាប់ផ្ដើមប្រកួតនៅថ្ងៃនេះ

ព្រឹត្តិការណ៍ប្រកួតកីឡាបាល់ទះពានរង្វាន់ «តេជោលីគ» (Techo Volleyball Cambodia League) រដូវកាល ២០២៤~២៥ ដែលត្រូវបានទទួលស្គាល់ ដោយសហព័ន្ធកីឡាបាល់ទះពិភពលោក នឹងចាប់ផ្ដើមប្រកួតជាផ្លូវការ ចាប់ពីថ្ងៃទី១០ ខែមករា ដល់ថ្ងៃទី២៣ ខែកុម្ភៈ ឆ្នាំ២០២៥ នៅសាលវិមាននៃពហុកីឡដ្ឋានជាតិ។

ពានរង្វាន់«តេជោលីគ» រដូវកាលទី២ មានក្រុមចូលរួមចំនួន៨ ដែមមានដូចជា÷
• សមាគមកីឡាបាល់ទះវិសាខា
• សមាគមកីឡាបាល់ទះក្រសួងមហាផ្ទៃ
• ក្លិបបាល់ទះបញ្ជាការដ្ឋានអង្គរក្ស
• ក្លិបបាល់ទះកងពលធំអន្តរាគមន៍លេខ៣
• ក្លិបបាល់ទះស្នងការដ្ឋាននគរបាលរាជធានីភ្នំពេញ
• ក្លិបបាល់ទះស្នងការដ្ឋាននគរបាលខេត្តតាកែវ
• ក្លិបបាល់ទះស្នងការដ្ឋាននគបាលខេត្តពោធិ៍សាត់
• ក្លិបបាល់ទះស្នងការដ្ឋាននគបាលខេត្តស្វាយរៀង និងអ្នកសារព័ត៌មាននានា។

កាលវិភាគនៃការប្រកួតនៅថ្ងៃទី១០ ខែមករា ឆ្នាំ២០២៥៖
– ក្រសួងមហាផ្ទៃ ប៉ះ ស្នងការខេត្តពោធិ៍សាត់ ម៉ោង ១២ថ្ងៃត្រង់
– ស្នងការរាជធានីភ្នំពេញ ប៉ះ កងពលធំអន្តរាគមន៍លេខ៣
-បញ្ជាការដ្ឋានអង្គរក្ស ប៉ះ ស្នងការតាកែវ
-វិសាខា ប៉ះ ស្នងការខេត្តស្វាយរៀង ។

ចំពោះរូបមន្តនៃការប្រកួតពានរង្វាន់ខាងលើនេះ ត្រូវលេងចំនួន២ជុំ ដោយជុំទីមួយ មានចំនួន៨ក្រុម ហើយបន្តជម្រុះយកក្រុមដែលមានពិន្ទុច្រើនពីលេខ១ ដល់លេខ៦ លេងនៅជុំទី២ បន្ទាប់មកយកក្រុមដែលមានពិន្ទុខ្ពស់ចំនួន៤ លេងនៅវគ្គពាក់កណ្ដាលផ្ដាច់ព្រ័ត្រ៕