Man United ជាក្លិបចំណាយលើការផ្ទេរកីឡាករច្រើនជាងគេ រយៈពេល ១០ឆ្នាំចុងក្រោយ

Man United ជាក្លិបចំណាយលើការផ្ទេរកីឡាករច្រើនជាងគេ រយៈពេល ១០ឆ្នាំចុងក្រោយ

ក្លិបបិសាចក្រហម Man UTD បានចំណាយប្រាក់រហូតដល់ ១.៣៧ពាន់លានដុល្លារ សម្រាប់ការទិញដូរកីឡាករ ចាប់តាំងពីឆ្នាំ ២០១៥ ដែលធ្វើអោយពួកគេក្លាយជាក្លិប ចំណាយប្រាក់ច្រើនបំផុតនៅលើពិភពលោក ក្នុងរយៈពេលមួយទសវត្សរ៍ចុងក្រោយ។ នេះបើតាមការប្រកាសពីស្ថាប័នគ្រប់គ្រងទិន្នន័យកីឡាបាល់ទាត់ CIES Football Observatory ។

Premier League នៅតែជាលីគបាល់ទាត់ ដែលចំណាយច្រើនជាងគេបំផុតក្នុងពិភពលោក ដោយក្លឹបទាំងអស់បានចំណាយប្រាក់ចំនួន ២៤.១ពាន់លានដុល្លារអាមេរិក ទៅក្នុងទីផ្សារដោះដូរកីឡាករក្នុងរយៈពេល ១០ឆ្នាំចុងក្រោយនេះ។

ចំពោះក្លិបដែលចំណាយប្រាក់ច្រើនជាងគេគឺ Man Utd ដែលចំណាយអស់ ១.៣៧ ពាន់លានដុល្លារ។ នៅក្នុងទីផ្សារដោះដូរកីឡាកររដូវក្តៅតែមួយឆ្នាំនេះ ក្លឹបបានចំណាយ ២៥១លានដុល្លារ ដើម្បីចុះហត្ថលេខាលើកីឡាករ ដូចជា Manuel Ugarte, Joshua Zirkzee, Leny Yoro, Matthijs de Ligt និង Noussair Mazraoui។

ក្នុងឆ្នាំ 2023 United ក៏បានចំណាយប្រាក់ប្រហាក់ប្រហែលគ្នាដើម្បីទិញយក Andre Onana, Mason Mount និង Rasmus Hojlund។

ចំណែកនៅក្នុងឆ្នាំ ២០២៣ ក្លិបរហស្សនាម«បិសាចក្រហម» មួយនេះ ក៏បានចាយប្រាក់ប្រហាក់ប្រហែលគ្នាផងដែរ ដើម្បីនាំយកកីឡាករ Andre Onana, Mason Mount និង Rasmus Hojlund។ ទោះជាក្លិបចាយច្រើនជាងគេក្តី ប៉ុន្តែចាប់តាំងពីការចាកចេញរបស់ លោក Alex Ferguson មក Man UTD មានការធ្លាក់ទម្រង់លេងជាខ្លាំង និងមិនដែលឈ្នះជើងឯក Premier League និង UEFA Champions League ឡើយ។

ចំណែកក្លិបតោខៀវ Chelsea ស្ថិតនៅលេខ២ ដោយចំណាយអស់ ១,២៦ ពាន់លានដុល្លារ។ ក្រោមការដឹកនាំរបស់មហាសេដ្ឋីរុស្ស៊ី លោក Roman Abramovich ក្លិបតោខៀវ បានចំណាយលើផ្ទេរដ៏ច្រើនរួចមកហើយ បន្ទាប់ពីការមកដល់របស់មហាសេដ្ឋីអាមេរិក លោក Todd Boehly នៅ ឆ្នាំ ២០២២ ក៏នៅតែមានការចំណាយលើការទិញចូលកីឡាករច្រើនដដែល។ ការដឹកនាំរបស់លោក Boehly ក្លិប Chelsea បាននាំយកកីឡាករ ៤០នាក់ និងលក់ចេញ ៣៨នាក់។

រីឯ ក្លិបអ្នកមានបារាំង Paris Saint-Germain ស្ថិតននៅចំណាត់ថ្នាក់លេខ ៣ ក្នុងនាមក្លិបចំណាយច្រើនជាងគេ ចំនួន ១,០៤ពាន់លានដុល្លារ។ PSG បានចំណាយប្រាក់យ៉ាងច្រើន នៅពេលពួកគេទិញកីឡាករឆ្នើមដូចជា Kylian Mbappe, Neymar, Lionel Messi និង Sergio Ramos ជាដើម។

ចំណែកឯក្រុមកាំភ្លើងធំ Arsenal និងក្រុមមាន់ខ្នាយមាស Tottenham បានបញ្ចប់ចំណាត់ថ្នាក់កំពូលទាំង៥ ដោយចំណាយប្រាក់ ៨៣៨លានដុល្លារ និង ៧៤៩ លានដុល្លាររៀងគ្នា។

ចំណាត់ថ្នាក់ទី៦ គឺក្លិបមេឃខៀវ Manchester City ដែលបានចំណាយ ៧៤១ លានដុល្លារ ប៉ុន្តែក្លឹបនេះ បានទទួលបានភាពជោគជ័យច្រើនជាងក្រុមកំពូលទាំងអស់នៅ Premier League ។ ក្រោមការដឹកនាំរបស់លោក Pep Guardiola ក្រុមមេឃខៀវ បានឈ្នះពាន Premier League ចំនួន៦, FA Cup ២ដង, League Cup ៤ដង, Community Shield ៣ដង, Champions League មួយដង, European Super Cup មួយដង និង FIFA Club World Cup មួយដង៕