លោក Luciano Spalletti និយាយថា អ៊ីតាលី អាចក្លាយជាក្រុមដ៏អស្ចារ្យ ប្រសិនបើកីឡាករលេងឱ្យអស់ពីសមត្ថភាពរបស់ពួកគេ
លោក Luciano Spalletti និយាយថា អ៊ីតាលី អាចក្លាយជាក្រុមដ៏អស្ចារ្យ ប្រសិនបើកីឡាករលេងឱ្យអស់ពីសមត្ថភាពរបស់ពួកគេ
គ្រូបង្វឹកក្រុមជម្រើសជាតិអ៊ីតាលី លោក Luciano Spalletti បាននិយាយកាលពីថ្ងៃពុធថា ក្រុមរបស់លោក អាចក្លាយជាក្រុមដ៏អស្ចារ្យមួយ ប្រសិនបើកីឡាករលេងឱ្យអស់ពីសមត្ថភាពរបស់ពួកគេ។ លោកបានលើកឡើងបែបនេះ មុនពេលការប្រកួតជាមួយបែលហ្ស៊ិក ក្នុងពានរង្វាន់ Nation League។
បច្ចុប្បន្នក្រុមជម្រើសជាតិអ៊ីតាលី កំពុងឈរនៅកំពូលតារាងក្នុងពូល បន្ទាប់ពីឈ្នះទាំងពីរប្រកួតកាលពីខែមុន។ អ៊ីតាលី នឹងត្រូវធ្វើដំណើរទៅសួរសុខទុក្ខក្រុមបិសាចបែលហ្ស៊ិក នៅយប់ថ្ងៃព្រហស្បតិ៍ នេះ មុនពេលប៉ះ អ៊ីស្រាអែល នៅថ្ងៃចន្ទ។
លោក Spalletti បានប្រាប់សន្និសីទសារព័ត៌មានយ៉ាងខ្លីថា៖«យើងនឹងក្លាយជាក្រុមដ៏អស្ចារ្យភ្លាមៗ នៅគ្រប់ការប្រកួត ដែលយើងនឹងអាចផ្តល់ឱ្យខ្លួនឯងបានល្អបំផុត។ វាគឺជាការប្រកួតដ៏សំខាន់មួយ សម្រាប់អនាគតរបស់យើង»។
គួររំលឹកថា អ៊ីតាលី បានធ្លាក់ចេញពី Euro 2024 នៅវគ្គ ១៦ ក្រុមចុងក្រោយ ហើយបានបរាជ័យក្នុងវគ្គជម្រុះ World Cup ២ ដងចុងក្រោយ ដែលជាអ្វីដែលធ្វើឱ្យប្រទេសមួយ ដែលបានឈ្នះពានរង្វាន់ពិភពលោកចំនួន ៤ ដង អាម៉ាស់បំផុត៕
