ទីបំផុត! Mbappe រកបានគ្រាប់បាល់ដំបូងនៅ LaLiga

ទីបំផុត! Mbappe រកបានគ្រាប់បាល់ដំបូងនៅ LaLiga

នៅទីបំផុត! ខ្សែប្រយុទ្ធ Kylian Mbappe រកបានគ្រាប់ដំបូងរបស់ខ្លួន សម្រាប់ Real Madrid នៅ LaLiga បន្ទាប់ពីមិនអាចរកគ្រាប់បាល់បានក្នុងការប្រកួតលីកចំនួន៣លើកដំបូង។

មែនទែនទៅ ប្រធានក្រុមជម្រើសជាតិបារាំង Mbappe ដែលបានផ្លាស់ទៅ Marid ពី Paris St Germain កាលពីខែមិថុនា មិនបានស៊ុតបញ្ចូលទីក្នុងការប្រកួត LaLiga ៣លើកដំបូងរបស់ពួកគេឡើយ បន្ទាប់ពីបានស៊ុតបញ្ចូលទីក្នុងការប្រកួតដំបូងរបស់ខ្លួន ដែលជាការយកឈ្នះ ២-០ លើក្រុមជើងឯក Europa League Atalanta ក្នុងពានរង្វាន់ UEFA Super Cup។

ទោះបីជាយ៉ាងណាក៏ដោយ អ្វីៗប្រែជាល្អប្រសើរឡើងវិញ ដោយក្នុងការប្រកួតយប់មិញនេះ Mbappe បានស៊ុតបាល់បញ្ចូលទី២គ្រាប់ម្នាក់ឯង ដើម្បីផ្តល់ឱ្យក្រុមការពារតំណែងជើងឯក នូវជ័យជម្នះយ៉ាងលំបាក ២-០ លើក្រុម Real Betis។

បន្ទាប់ពីរចប់ការប្រកួត Mbappe បានប្រាប់កាសែត DAZN ថា៖ «ខ្ញុំសប្បាយចិត្តតាំងពីខ្ញុំមកដល់ទីនេះ។ អ្នករាល់គ្នាបានផ្តល់ក្តីស្រលាញ់ឱ្យខ្ញុំច្រើននៅទីនេះ ទោះបីជាខ្ញុំមិនបានស៊ុតបាល់បញ្ចូលទីក៏ដោយ ពោលគឺសម្រាប់៣ប្រកួតដំបូង។ ទោះជាយ៉ាងណាក៏ដោយ ក្នុងអំឡុងពេលដំណើរការ ក្លឹប មិត្តរួមក្រុម និងអ្នកគាំទ្រ… ពួកគេតែងតែនៅជាមួយខ្ញុំ ហើយផ្តល់ឱ្យខ្ញុំនូវទំនុកចិត្តក្នុងការរកគ្រាប់បាល់សម្រាប់ក្លឹបនេះ»។

គួរបញ្ជាក់ថា ឆ្លងកាត់តាមរយៈការប្រកួតចំនួន៤លើកកន្លងមកនេះ ក្រុមការពារដំណែងជើងេក Real Madrid កំពុងឈរនៅលេខ២ មាន ៨ពិន្ទុ តាមពីក្រោយក្រុម Barcelona ដែលឈរនៅកំពូលតារាងចំនួន ៤ពិន្ទុ៕