Messi ស៊ុត Free-kick យ៉ាងអស្ចារ្យ ជួយ អាហ្សង់ទីន យកឈ្នះ អេក្វាទ័រ ១-០ ក្នុងការប្រកួតជម្រុះ World Cup 2026

ដោយ៖ Volak ENN | ថ្ងៃសុក្រ ទី៨ ខែកញ្ញា ឆ្នាំ២០២៣ កីឡា

(បាល់ទាត់)៖ ខ្សែប្រយុទ្ធរបស់ Inter Miami កីឡាករ 𝐋𝐢𝐨𝐧𝐞𝐥 𝐌𝐞𝐬𝐬𝐢 បានស៊ុតបាល់ហ្វ្រីឃីកយ៉ាងស្អាតជួយក្រុមជម្រើសជាតិអាហ្សង់ទី យកឈ្នះ ក្រុមជម្រើសជាតិអេក្វាទ័រ លទ្ធផល ១ ទល់នឹង ០ ក្នុងការប្រកួតជម្រុះ World Cup 2026 ជុំទី១ ក្នុងតំបន់អាមេរិកឡាទីន កាលពីព្រឹកមិញនេះ។

ការប្រកួតដែលធ្វើឡើងនៅកីឡដ្ឋាន Estadio Monumental ក្រោមក្រសែភ្នែកអ្នកទស្សនាផ្ទាល់ជាង ៦ម៉ឺននាក់ មានគ្រាប់បាល់កើតឡើងតែមួយគ្រាប់គត់ ដោយប្រធានក្រុម Lionel Messi។

ការស៊ុតបាល់ពិន័យ Free-kick នៅនាទីទី ៧៨ ពីសំណាក់កីឡាករវ័យ ៣៦ឆ្នាំ រូបនេះ បានជួយឱ្យក្រុមការពារតំណែងជើងឯក FIFA World Cup ទទួលបានជ័យជំនះ ក្នុងប្រកួតបើកឆាក វគ្គជម្រុះ World Cup 2026 ជុំទី១ ជាមួយនឹងជ័យជម្នះ ១-០ លើ ក្រុមជម្រើសជាតិអេក្វាឌ័រ។

គ្រាប់បាល់នោះ បានធ្វើឲ្យ Messi ស៊ុតបញ្ជូលឲ្យក្រុមជម្រើសជាតិអាហ្សង់ទី ៨ប្រកួតជាប់ៗគ្នា និងរកគ្រាប់បាល់បាន ១០៤គ្រាប់ហើយ ក្នុងបង្ហាញខ្លួនសរុបចំនួន ១៧៦ ប្រកួតសម្រាប់ជម្រើសជាតិ។

គួរបញ្ជាក់ថា ប្រកួតបន្ទាប់ Messi នឹងដឹកនាំ អាហ្សង់ទី ប្រកួតជាមួយក្រុមជម្រើសជាតិ បូលីវី នៅថ្ងៃទី ១៣ ខែកញ្ញា ឆ្នាំ២០២៣នេះ នាកីឡដ្ឋាន Hernando Siles ប្រទេសបូលីវី៕

អត្ថបទទាក់ទង

ភ្នំពេញក្រោន ប្រកាសនាំចូល កីឡាករ 𝗬𝗶-𝗬𝗼𝘂𝗻𝗴 𝗣𝗮𝗿𝗸 សញ្ជាតិកូរ៉េខាងត្បូង កីឡាម្សិលមិញ ម៉ោង 2:13 am
ចាប់ពីឆ្នាំ២០២៥ តទៅ កីឡាករ និងក្រុមការងារគ្រូបង្វឹកនៃក្រុមជម្រើសជាតិកម្ពុជា នឹងទទួលបាន២៥% នៃចំណូលពីការលក់សំបុត្រ កីឡាថ្ងៃចន្ទ ទី២៣ ខែធ្នូ ឆ្នាំ២០២៤
ត្បូងឃ្មុំ ក្លាយជាម្ចាស់ពានរង្វាន់បាល់ទាត់ Hun Sen Cup ថ្នាក់ខេត្ត ឆ្នាំ២០២៤ កីឡាថ្ងៃចន្ទ ទី២៣ ខែធ្នូ ឆ្នាំ២០២៤
សមាគមបាល់ទះក្រសួងមហាផ្ទៃ ប៉ះ ស្នងការខេត្តស្វាយរៀង ក្នុងវគ្គផ្ដាច់ព្រ័ត្រពានរង្វាន់កីឡាបាល់ទះសម្ដេចក្រឡាហោម ស ខេង កីឡាថ្ងៃចន្ទ ទី២៣ ខែធ្នូ ឆ្នាំ២០២៤
តើកម្ពុជា អាចយកឈ្នះ ថៃ បានដែរឬទេ ខណៈ៧លើកចុងក្រោយ កម្ពុជា មិនដែលឈ្នះថៃ ទាល់តែសោះ កីឡាថ្ងៃសុក្រ ទី២០ ខែធ្នូ ឆ្នាំ២០២៤
Ronaldo Nazário នឹងឈរឈ្មោះជាប្រធានសហព័ន្ធកីឡាបាល់ទាត់ប្រេស៊ីល កីឡាថ្ងៃព្រហស្បតិ៍ ទី១៩ ខែធ្នូ ឆ្នាំ២០២៤