បច្ចុប្បន្នភាព : តារាងមេដាយនៅស៊ីហ្គេម គិតត្រឹមល្ងាចថ្ងៃទី៩ ឧសភា
បច្ចុប្បន្នភាព : តារាងមេដាយនៅស៊ីហ្គេម គិតត្រឹមល្ងាចថ្ងៃទី៩ ឧសភា
បន្ទាប់ពីឈរកំពូលតារាងមេដាយស៊ីហ្គេមលើកទី 32 រយ:ពេល៣ ថ្ងៃជាប់គ្នា ពេលនេះ ម្ចាស់ផ្ទះកម្ពុជា បានធ្លាក់ដំណែងវិញហើយ ដោយឈរនៅចំណាត់ថ្នាក់ទី៣ ខណៈថៃ ឡើងមកឈរកំពូលតារាង ស្របពេលដែលវៀតណាមឈរនៅលេខ២។
នៅថ្ងៃប្រកួត៩ម្សិលមិញនេះ អត្តពលិកកម្ពុជា ដណ្តើមបានមេដាយមាសតែ២គ្រឿងទៀតប៉ុណ្ណោះ ក្រៅពីនោះមានមេដាយប្រាក់ និងសំរិទ្ធ។ ជាមួយគ្នានេះ អត្តពលិកថៃ ដណ្តើមបានមេដាយមាសចំនួន ១២ គ្រឿបន្ថែមទៀតង ដើម្បីឈានទៅដណ្តើមមេដាយមាសសរុបចំនួន ៤០ និងឡើងមកឈរនៅកំពូលតារាងមេដាយ។ ក្នុងថ្ងៃតែមួយ វៀតណាម ដណ្តើមបានមេដាយមាសចំនួន ៩ បន្ថែមទៀត ដើម្បីឈរនៅចំណាត់ថ្នាក់លេខ ២ ជាបណ្តោះអាសន្ន។
ចំណាត់ថ្នាក់លេខ៤ គឺបានទៅលើហ្វីលីពីន ដែលទទួលបានមេដាយមាស ២៥គ្រឿង មេដាយប្រាក់៣៩គ្រឿង និងមេដាយសំរឹទ្ធ ៤៦។ គណៈប្រតិភូមកពីប្រទេសឥណ្ឌូនេស៊ី សិង្ហបុរី ម៉ាឡេស៊ី មីយ៉ាន់ម៉ា និងឡាវ ជាប់ចំណាត់ថ្នាក់បន្តបន្ទាប់។ រីឯនៅបាតតារាងវិញគឺ ប្រ៊ុយណេ និងទីម័រខាងកើត។ អត្តពលិកប្រទេសទាំងពីរនេះ មិនទាន់ឈ្នះមេដាយនៅឡើយទេ ក្នុងព្រឹត្តិការណ៍ស៊ីហ្គេមលើកទី៣២នេះ៕
