ប៉ូឡូញ ទំនងជៀសមិនផុតពីការធ្លាក់ចូលក្នុងជម្លោះដោយផ្ទាល់នៅអ៊ុយក្រែន
ប៉ូឡូញ ទំនងជៀសមិនផុតពីការធ្លាក់ចូលក្នុងជម្លោះដោយផ្ទាល់នៅអ៊ុយក្រែន
បរទេស៖ អគ្គរដ្ឋទូតប៉ូឡញប្រចាំនៅប្រទេសបារាំង លោក Jan Emeryk Rosciszewski កាលពីថ្ងៃម្សិលមិញនេះបានធ្វើការលើកឡើងថាប្រទេសប៉ូឡូញនឹងគ្មានជម្រើសឡើយដើម្បីចូលរួមសង្គ្រាមនៅអ៊ុយក្រែនប្រឆាំងជាមួយនឹងប្រទេសរុស្ស៊ី។
លោកមន្ត្រីជាន់ខ្ពស់រូបនេះបានបញ្ជាក់ទៀតថាបក្នុងករណីដែលអ៊ុយក្រែនមិនអាចការពារ ឬទទួលបានសេរីភាពពីប្រទេសរុស្ស៊ីនោះ ប៉ូឡូញចាំបាច់នឹងចូលរួមនៅក្នុងកិច្ចការងារនេះជាមិនខាន។
សេចក្តីថ្លែងការណ៍របស់មន្ត្រីការទូតជាន់ខ្ពស់ប៉ូឡូញរូបនេះបានធ្វើឡើងកាលពីចុងសប្តាហ៍ដោយបញ្ជាក់ទៀតថា អស់រយៈពេលជាងមួយឆ្នាំរួចមកហើយ បញ្ហានេះគឺមិនមែនជាបញ្ហាដែលបង្កឡើងដោយអង្គការណាតូ ឬប៉ូឡូញ ឬបារាំង និងស្លូវ៉ាគីនោះដែរ ប៉ុន្តែវាគឺជាបញ្ហាដោយសារតែរុស្ស៊ីតែម្តង។
ជាចុងក្រោយលោកមន្ត្រីជាន់ខ្ពស់រូបនេះ បានសង្កត់ធ្ងន់ថា បើប៉ូឡូញមិនធ្វើបែបនេះទេមានន័យថាថាតម្លៃជាមូលដ្ឋានរបស់យើង និងវប្បធម៌របស់យើង នឹងស្ថិតក្នុងគ្រោះថ្នាក់ និងការគំរាមកំហែង ដូច្នេះប៉ូឡូញនឹងគ្មានជម្រើសឡើយដើម្បីចូលរួមសង្គ្រាមនេះជាមួយនឹងអ៊ុយក្រែន។
គួរឲ្យដឹងដែរថា ប៉ូឡូញ ស្ថិតក្នុងចំណោមអ្នកគាំទ្រដ៏សកម្មបំផុតរបស់អ៊ុយក្រែន ដោយកន្លងមកប៉ូឡូញបានបញ្ជូនសម្ភារៈយោធាចម្រុះ រួមទាំងរថក្រោះ និងបំណែកកាំភ្លើងធំ ដើម្បីគាំទ្រអ៊ុយក្រែន ហើយក្រៅពីនោះ រុស្ស៊ីក៏បានចោទប្រកាន់ដែរថាទាហានស៊ីឈ្នួលប៉ូឡូញបានជាប់ពាក់ព័ន្ធផ្ទាល់ក្នុងជម្លោះនេះដែលមានចំនួនដ៏ច្រើនសន្ធឹកសន្ធាប់រួចមកហើយ៕
