លោក Zelensky ពិភាក្សាជាមួយលោក Vance នៅទីក្រុងរ៉ូម មុនការហៅទូរសព្ទរបស់លោក Trump និង លោក Putin

លោក Zelensky ពិភាក្សាជាមួយលោក Vance នៅទីក្រុងរ៉ូម មុនការហៅទូរសព្ទរបស់លោក Trump និង លោក Putin

អាមេរិក៖ ប្រធានាធិបតីនៃប្រទេសអ៊ុយក្រែនលោក Volodymyr Zelensky និងអនុប្រធានាធិបតីសហរដ្ឋអាមេរិកលោក JD Vance បានជួបពិភាក្សាគ្នានៅទីក្រុងរ៉ូម ខណៈដែលសេតវិមានបានជំរុញឱ្យបញ្ចប់សង្គ្រាមរុស្ស៊ីនៅអ៊ុយក្រែន។

តាមកាចុះផ្សាយរបស់សារព័ត៌មានបារាំង france24 ឱ្យដឹងថា នេះ គឺជាជំនួបលើកដំបូងរវាងមេដឹកនាំទាំងពីរចាប់តាំងពីមានការប្រើប្រាសសំដីខ្លាំងៗដាក់គ្នា នៅក្នុងការិយាល័យ Oval កាលពីខែកុម្ភៈ នៅពេលដែលលោក Vance បានចោទលោក Zelensky ថា “មិនគោរព” ចំពោះប្រធានាធិបតីសហរដ្ឋអាមេរិក លោក Donald Trump ។

បើតាមប្រភពដដែល លោក Volodymyr Zelensky បានពិភាក្សាគ្នា ក្នុងរយៈពេលខ្លីមួយជាមួយអនុប្រធានាធិបតីអាមេរិក លោក JD Vance នៅទីក្រុងរ៉ូមកាលពីថ្ងៃអាទិត្យ គឺនៅមុនពេលប្រធានាធិបតីអាមេរិក លោក Donald Trump និងសមភាគីរុស្ស៊ីលោក Vladimir Putin ជួបពិភាក្សាគ្នាតាមទូរស័ព្ទ។

លោក Zelensky និង លោក Vance បានពិភាក្សាអំពី “ស្ថានភាពនៅផ្នែកខាងមុខ ការត្រៀមលក្ខណៈសម្រាប់ការសន្ទនា (Trump-Putin)) នៅពីថ្ងៃចន្ទនេះ លទ្ធភាពនៃការដាក់ទណ្ឌកម្មប្រឆាំងនឹងរុស្ស៊ី ប្រសិនបើគ្មានលទ្ធផលទេ បទឈប់បាញ់។ នេះ បើតាមមន្ត្រីជាន់ខ្ពស់របស់អ៊ុយក្រែនបាននិយាយក្នុងលក្ខខណ្ឌមិនបញ្ចេញឈ្មោះ។

លោក Trump កាលពីថ្ងៃសៅរ៍បាននិយាយថាលោកនឹងនិយាយជជែកគ្នាតាមទូរស័ព្ទជាមួយលោកពូទីនដើម្បីបញ្ចប់ “ការបង្ហូរឈាម” នៅក្នុងប្រទេសអ៊ុយក្រែនមួយថ្ងៃបន្ទាប់ពីការចរចាដោយផ្ទាល់ជាលើកដំបូងរវាងទីក្រុងម៉ូស្គូនិងទីក្រុង Kyiv ក្នុងរយៈពេលជាង ៣ ឆ្នាំមិនទទួលបានបទឈប់បាញ់៕

https://www.france24.com/en/europe/20250518-zelensky-sits-down-with-vance-in-rome-ahead-of-planned-trump-putin-call