លទ្ធផលការប្រកួតពានរង្វាន់ Hun Sen Cup ថ្នាក់ជាតិ វគ្គ ១/៨ ផ្តាច់ព្រ័ត្រ

លទ្ធផលការប្រកួតពានរង្វាន់ Hun Sen Cup ថ្នាក់ជាតិ វគ្គ ១/៨ ផ្តាច់ព្រ័ត្រ

ការប្រកួតពានរង្វានសម្តេចតេជោ ហ៊ុនសែន ថ្នាក់ជាតិលើកទី១៨ ឆ្នាំ២០២៥ បានឈានដល់ការប្រកួតវគ្គ៨ក្រុមចុងក្រោយ ជើងទី១ ដោយកាលពីថ្ងៃទី១៥ ខែមករា ម្សិលមិញនេះ មានការប្រកួតចំនួន៣គូ នៅទីលានផ្សេងគ្នា។

ក្នុងការប្រកួតម្សិលមិញនេះ ក្រុមខ្លាំងដែលមកពីលីគកំពូលកម្ពុជា សុទ្ធតែទទួលបានជ័យជំនះរៀងៗខ្លួន ស្របពេលដែលក្រុមដែលឡើងមកពីថ្នាក់ខេត្តសុទ្ធតែបរាជ័យ ខណៈជំនួបដែលមានគ្រាប់បាល់ច្រើនជាងគេ គឺមានរហូតដល់ ៩គ្រាប់។

ខាងក្រោមនេះជាលទ្ធផលការប្រកួតពានរង្វាន់ សម្តេចអគ្គមហាសេនាបតីតេជោ ហ៊ុន សែន លើកទី១៨ ឆ្នាំ ២០២៤/២៥ នៅថ្ងៃពុធ ទី១៥ ខែមករា ឆ្នាំ២០២៥៖
– ខេត្តកំពង់ចាម ១-៨ បឹងកេត
-សមាគមកីឡាបាល់ទាត់ខេត្តកែប ០-៩ ព្រះខ័នរាជស្វាយរៀង
-ឡាយអ៊ិនឃីង ខេត្តសៀមរាប ០-៣ វិសាខា ។

សម្រាប់ថ្ងៃព្រហស្បតិ៍ ទី១៦ ខែមករា ឆ្នាំ២០២៥ នេះ មានការប្រកួតចំនួន១គូប៉ុណ្ណោះ ដែលជាការជួបគ្នារវាង ក្រុមកំពូលតារាងលីគកំពូលកម្ពុជា ភ្នំពេញក្រោន ជាមួយ ក្លិបបាល់ទាត់ឈើតុំ ខេត្តពោធិ៍សាត់ វេលាម៉ោង ៣៖៣០នាទី នៅទីលានបាល់ទាត់ឈើតុំ។

គួរបញ្ជាក់ថា កាលពីរដូវកាលមុន ក្រុមព្រះខ័នរាជស្វាយរៀង បានក្លាយជាម្ចាស់ជើងឯក បន្ទាប់ពីបានយកឈ្នះ ភ្នំពេញក្រោន នៅវគ្គផ្ដាច់ព្រ័ត្រ៕