ក្រុមគោព្រៃកម្ពុជា ចែកគ្នាម្នាក់មួយពិន្ទុ ជាមួយ ម៉ាឡេស៊ី ក្នុងជំនួបបេីកឆាក AFF Cup 2024
ក្រុមគោព្រៃកម្ពុជា ចែកគ្នាម្នាក់មួយពិន្ទុ ជាមួយ ម៉ាឡេស៊ី ក្នុងជំនួបបេីកឆាក AFF Cup 2024
(បាល់ទាត់)៖ កាលពីថ្ងៃទី៨ ខែធ្នូ ឆ្នាំ២០២៤ ក្រុមគោព្រៃកម្ពុជា ក្រោមការដឹកនាំរបស់គ្រូបង្វឹកសញ្ជាតិជប៉ុន លោក Koji Gyotoku បានចាប់ផ្ដើមការប្រកួតបើកឆាក ក្នុងពានរង្វាន់ ASEAN Mitsubishi Electric Cup 2024 ដោបានត្រឹមស្មើគ្នាជាមួយម៉ាឡេស៊ី ក្នុងលទ្ធផល ២ទល់នឹង២ នាពហុកីឡដ្ឋានជាតិអូឡាំពិក។
ការប្រកួតដែលធ្វើឡើងក្រោមក្រសែភ្នែកអ្នកទស្សនាផ្ទាល់ជាង ២៤០០០នាក់ ក្រុមភ្ញៀវម៉ាឡេស៊ី បានបេីកការនាំមុខមុននៅនាទី៣៤ ប៉ុន្តែកម្ពុជា បានតាមស្មើវិញនៅនាទី៥១ ដោយកីឡាករចូលសញ្ជាតិ ខូលីបាលី ។ លុះដល់នាទី៦០ សារ ទី បានជួយកម្ពុជា នាំមុខវិញម្ដង មុនពេលដែលម៉ាឡេស៊ី តាមស្មេី ២ទល់និង២ នៅនាទី៧៥ ហេីយចប់ការប្រកួត៩០នាទី កម្ពុជា ២-២ ម៉ាឡេស៊ី។
ខាងក្រោមនេះ ជាកម្មវិធីប្រកួតបន្ទាប់ក្នុង ពានរង្វាន់ ASEAN Mitsubishi Electric Cup 2024 របស់ក្រុមជម្រើសជាតិកម្ពុជា៖
– កម្ពុជា ប៉ះ សិង្ហបុរី នៅថ្ងៃទី១១ ខែធ្នូ ឆ្នាំ២០២៤ នាពហុកីឡដ្ឋានជាតិ
– កម្ពុជា ប៉ះ ទីម័រខាងកើត នៅថ្ងៃទី១៧ ខែធ្នូ ឆ្នាំ២០២៤ នាពហុកីឡដ្ឋានជាតិ
– កម្ពុជា ប៉ះ ថៃ នៅថ្ងៃទី២០ ខែធ្នូ ឆ្នាំ២០២៤ នាកីឡដ្ឋាន Rajamangala ប្រទេសថៃ។
គួរបញ្ជាក់ថា ក្នុងពានរង្វាន់ ASEAN Mitsubishi Electric Cup 2024 ក្រុមជម្រើសកម្ពុជា ស្ថិតក្នុងពូល A ជាមួយ ក្រុមជម្រើសជាតិថៃ ម៉ាឡេស៊ី សិង្ហបុរី និងទីម័រខាងកើត៕
