គ្រូភ្នំពេញក្រោន សរសើរ កងយោធពល ខ.ភ.ម ថា ជាក្រុមខ្លាំងការពារ
គ្រូភ្នំពេញក្រោន សរសើរ កងយោធពល ខ.ភ.ម ថា ជាក្រុមខ្លាំងការពារ
នៅល្ងាច ថ្ងៃសៅរ៍ ទី២៣ ខែវិច្ឆិកា ឆ្នាំ២០២៤ វេលាម៉ោង ៦៖០០នាទី ក្រុមសឹងក្រហមភ្នំពេញក្រោន ក្រោមការដឹកនាំរបស់លោក Oleg Starynskyi នឹកបេីកទ្វារកីឡដ្ឋាន Smart RSN ទទួលស្វាគមន៍ក្រុម កងយោធពលខេមរភូមិន្ទ ក្នុងការប្រកួតលីគកំពូលកម្ពុជា សប្ដាហ៍ទី១៣។
ក្នុងជំនួបជាមួយក្រុមកងយោធពល ខ.ភ.ម លោក Oleg Starynskyi ដែលជាគ្រូបង្វឹករបស់ភ្នំពេញក្រោនបានលើកឡើងថា៖ “ពួកគេមានការចាប់ផ្តើមយឺតបន្តិច ប៉ុន្តែយើងដឹងថាពួកគេកំពុងតែធ្វើបានល្អនៅពេលនេះ។ ពួកគេកំពុងដើរលើផ្លូវមួយដែលត្រូវ ពួកពិតជាអាចប្រកួតប្រជែងជាមួយក្រុមខ្លាំងៗបាន។ ខ្ញុំគិតថាយើងតែងតែពិបាកក្នុងការលេងតទល់ជាមួយពួកគេ”។
គ្រូបង្វឹកសញ្ជាតិអ៊ុយក្រែនរូបនេះបានបន្ថែមថា ៖”ការលេងជាមួយពួកគេ វាមិនមែនជារឿងងាយស្រួលសម្រាប់យើងនោះទេ ដូច្នេះយើងត្រូវតែបង្ហាញអត្តចរឹតឲ្យបានខ្លាំងក្នុងការលេងដើម្បីឲ្យបាន ៣ពិន្ទុ”។
លោកបានបន្តថា៖”ខ្ញុំបានដឹងថាចំនុចខ្លាំងរបស់ពួកគេនោះគឺការការពារ ពួកគេមានការរៀបចំនៅតំបន់ការពារបានយ៉ាងល្អ ហើយលឿន ជាមួយនឹងចលនានិងការត្រៀមខ្លួនក្នុងការយកបាល់ពីខាងក្រោយខ្នង។ ពួកគេបានអនុវត្តន៍ក្នុងការលេងការពារ ជាពិសេសក្នុងជំនួបជាមួយព្រះខ័នរាជស្វាយរៀង ពួកគេក៏មានឪកាសល្អៗដែលមើលទៅអាចឈ្នះការប្រកួតទៀតផង។ខ្ញុំគិតថាពួកគេនឹងរកវិធីនៅពេលមានបាល់ ហើយត្រៀមខ្លួនដើម្បីធ្វើឲ្យយើងឈឺចាប់”៕
