លោកស្រី Harris ព្រមានថា លោក Trump នឹងកាត់បន្ថយកម្មវិធីថែទាំងសុខភាព Obamacare
លោកស្រី Harris ព្រមានថា លោក Trump នឹងកាត់បន្ថយកម្មវិធីថែទាំងសុខភាព Obamacare
អាមេរិក៖ បេក្ខជនប្រធានាធិបតីមកពីគណបក្សប្រជាធិបតេយ្យ លោកស្រី Kamala Harris បានព្រមានអ្នកបោះឆ្នោតកាលពីថ្ងៃព្រហស្បតិ៍ថា លោក Donald Trump មកពីគណបក្សសាធារណរដ្ឋ និងសម្ព័ន្ធមិត្តនឹងកាត់បន្ថយកម្មវិធីថែទាំសុខភាព (Obamacare ) ប្រសិនបើលោកឈ្នះឆ្នោត ។
ជាមួយគ្នានោះ លោកស្រី បានលើកឡើងថា ការលើកឡើងរបស់លោក Donald Trump នៅឯការជួបជុំកាលពីថ្ងៃពុធគឺជាការប្រមាថដល់ស្ត្រី។
នៅក្នុងសន្និសីទសារព័ត៌មានខ្លីមួយ អនុប្រធានាធិបតីសហរដ្ឋអាមេរិក លោកស្រី Harris បានរំលឹកអ្នកបោះឆ្នោតថា អតីតប្រធានាធិបតី លោក Trump បានព្យាយាមមិនជោគជ័យក្នុងការលុបចោលច្បាប់ថែទាំដែលមានតំលៃសមរម្យ ឬហៅម្យ៉ាងទៀតថា Obamacare ក្នុងអំឡុងអាណត្តិប្រធានាធិបតី 2017-2021 របស់លោក។
លោកស្រីបានប្រាប់អ្នកយកព័ត៌មាននៅទីក្រុង Madison រដ្ឋ Wisconsin មុនពេលហោះហើរទៅកាន់រដ្ឋ Arizona និង Nevada ថា «ការថែទាំសុខភាពសម្រាប់ជនជាតិអាមេរិកទាំងអស់គឺស្ថិតនៅលើបន្ទាត់នៅក្នុងការបោះឆ្នោតនេះ» ។
ជាការឆ្លើយតបវិញ លោក Trump បាននិយាយថា លោកមិនដែលចង់កម្ចាត់កម្មវិធីនោះទេ។ លោកបានបង្ហោះនៅលើបណ្តាញសង្គម Truth Social របស់លោក ថា «ខ្ញុំមិនដែលនិយាយអំពីការធ្វើបែបនោះទេ សូម្បីតែមិនដែលគិតពីរឿងបែបនេះ»។
ការស្ទង់មតិរបស់សារព័ត៌មាន Reuters/Ipsos នៅក្នុងខែតុលាបានរកឃើញថា លោកស្រី Harris នាំមុខក្នុងចំណោមស្ត្រី 12 ភាគរយ ខណៈលោក Trump នាំមុខក្នុងចំណោមបុរស 7 ភាគរយ។
សូមបញ្ជាក់ថា ច្បាប់ស្តីពីការថែទាំសុខភាពដែលមានតំលៃសមរម្យឆ្នាំ 2010 បានផ្តល់ការធានារ៉ាប់រងដល់ប្រជាជនអាមេរិកប្រហែល 40 លាននាក់ ដែលជាផ្នែកមួយនៃកម្មវិធីធានារ៉ាប់រងសុខភាពរបស់ប្រទេសនេះ។ ទំនួលខុសត្រូវនយោបាយសម្រាប់គណបក្សប្រជាធិបតេយ្យនៅពេលដែលបានចុះហត្ថលេខាលើច្បាប់ក្នុងឆ្នាំ 2010 បច្ចុប្បន្ននេះណវាមានប្រជាប្រិយភាពយ៉ាងខ្លាំង ៕
