អតីតប្រធានក្រុមជម្រើសជាតិបារាំង Patrice Evra បានមកដល់កម្ពុជាហើយ ដើម្បីចូលរួមព្រឹត្តិការណ៍ Gumball 3000

អតីតប្រធានក្រុមជម្រើសជាតិបារាំង Patrice Evra បានមកដល់កម្ពុជាហើយ ដើម្បីចូលរួមព្រឹត្តិការណ៍ Gumball 3000

អតីតប្រធានប្រធានក្រុមបាល់ទាត់ជម្រើសជាតិបារាំង និងក្រុមបិសាចក្រហម Manchester United កីឡាករ Patrice Evra បានធ្វើដំណើរមកដល់ប្រទេសកម្ពុជាហើយ កាលពីម្សិលមិញនេះ ដើម្បីចូលរួមខួប ២៥ឆ្នាំ នៃមហាព្រឹត្តិការណ៍ Gumball 3000 ដែលកម្ពុជាយើងធ្វើជាម្ចាស់ផ្ទះ ។

កាលពីម្សិលមិញនេះ គេសង្កេតឃើញថា អតីតវិរបុរសរបស់ក្រុមបិសាចក្រហម Manchester United រូបនេះ បើកឡានទំនើបម៉ាក់ Rolls-Royce ពណ៍បៃតងចាស់ ពាក់ស្លាកលេខកម្ពុជា ជួបជាមួយអ្នកគាំទ្រ។

ព្រឹត្តិការណ៍ 𝐆𝐮𝐦𝐛𝐚𝐥𝐥 𝟑𝟎𝟎𝟎 ជាព្រឹត្តិការណ៏ ដ៏ល្បីល្បាញមួយនៅលើពិភពលោក ដែលពោរពេញដោយក្បួនរថយន្តទំនើបៗ ហើយនឹងត្រូវចូលរួមដោយតារាល្បីៗ អ្នកផលិតមាតិកាល្បីៗលំដាប់អន្តរជាតិ។ ក្នុងនោះក៏មាន វិរបុរសក្លិបបិសាចក្រហម 𝐏𝐚𝐭𝐫𝐢𝐜𝐞 𝐄𝐯𝐫𝐚, តារា 𝐘𝐨𝐮𝐭𝐮𝐛𝐞 ដ៏ល្បី 𝐈𝐬𝐡𝐨𝐰𝐒𝐩𝐞𝐞𝐝 , អ្នកជំនាញលើវិស័យយានយន្តអ្នកនាង Leona Chin កំពូលតារាយូធូប IShowSpeed និងសេដ្ឋី Skateboard មានបំផុតលើពិភពលោក Tony Hawk និងតារា អន្តរជាតិជាច្រើនរូបទៀត ។

នៅព្រឹកនេះ ពួកគេនឹងបើកឡានទំនើបៗរាប់រយគ្រឿងឆ្ពោះទៅសៀមរាប ទៅមុខប្រាសាទអង្គរវត្ត ដើម្បីបង្កើតកំណត់ត្រា 𝐆𝐮𝐢𝐧𝐧𝐞𝐬𝐬 𝐁𝐨𝐨𝐤 𝐑𝐞𝐜𝐨𝐫𝐝𝐬 មួយ ដែលក្លាយជាកម្មវិធីពិពណ៌ឡានធំបំផុតលើលោកនៅមុខអង្គរវត្តផងដែរ។

សម្រាប់ព្រឹត្តិការណ៍ដ៏ អស្ចារ្យមួយនេះ នឹងអនុញ្ញាតឱ្យសាធារណជនចូលរួមទស្សនាកម្សាន្តសេរី ហើយចំពោះថវិកាដែលបានមកពីព្រឹត្តិការណ៍នេះ នឹងបរិច្ចាគជូន មន្ទីរពេទ្យកុមារអង្គរទាំងអស់ ខណៈដែលមកទល់ពេលនេះតួលេខចំនួនសប្បុរសជនដែលបានចូលរួមបរិច្ចាគបានកើនលើសពីក្ដីរំពឹងទុក។

គួររំលឹកថា Gumball 3000 គឺជាកម្មវិធីដំណើរកម្សាន្តបើករថយន្តចម្ងាយឆ្ងាយ (Rally) ឆ្លងកាត់ប្រទេសជារៀងរាល់ឆ្នាំ។ កម្មវិធីមួយនេះ ត្រូវបានរកឃើញតាំងពីឆ្នាំ ១៩៩៩ ដោយលោក Maximillion Cooper៕