គ្រូ 𝐌𝐚𝐧 𝐔nited តបទៅអ្នករិះគន់ថា ខ្លួនមិនមែនជា 𝐇𝐚𝐫𝐫𝐲 𝐏𝐨𝐭𝐭𝐞𝐫 ដែលជប់អ្វីបានគ្រប់យ៉ាងទេ

គ្រូ 𝐌𝐚𝐧 𝐔nited តបទៅអ្នករិះគន់ថា ខ្លួនមិនមែនជា 𝐇𝐚𝐫𝐫𝐲 𝐏𝐨𝐭𝐭𝐞𝐫 ដែលជប់អ្វីបានគ្រប់យ៉ាងទេ

កាលពីយប់មិញនេះ ក្រុមបិសាចក្រហម Manchester United ក្រោមការដឹកនាំរបស់អ្នកចាត់ការសញ្ជាតិហូឡង់ លោក 𝐄𝐫𝐢𝐤 𝐭𝐞𝐧 𝐇𝐚𝐠 បានបរាជ័យក្នុងដីយ៉ាងអាម៉ាស់ ក្រោមថ្វីជើងក្រុមហង្សក្រហម Liverpool ក្នុងលទ្ធផល ៣-០។

មែនទែនទៅ លោក 𝐄𝐫𝐢𝐤 𝐭𝐞𝐧 𝐇𝐚𝐠 ស្ទើតែត្រូវបានក្លិបបណ្ដេញចេញទៅហើយ កាលពីរដូវកាលមុន បន្ទាប់ពីដឹកនាំក្រុមបញ្ចប់ក្នុងចំណាត់ថ្នាក់លេខ៨ ក្នុងតារាង Premier League ហើយចាញ់ក្នុងលីគរហូតដល់ ១៤ប្រកួតក្នុងលីគ ដែលជាចំណាត់ថ្នាក់អាក្រក់បំផុតសម្រាប់ក្លិបមួយនេះ។ ប៉ុន្តែសំណាងល្អ នៅវិនាទីចុងក្រោយ ក្រុមបិសាចក្រហម Man United បានយកឈ្នះក្រុមមេឃខៀវ Manchester City ២-១ លើកពាន FA Cup ទើបធ្វើឲ្យថ្នាក់ដឹកនាំក្លិប ខាំមាត់សង្កត់ចិត្ត ផ្ដល់ឲ្យកាសឲ្យលោកបន្តដឹកនាំទៀត។

យ៉ាងណាបន្ទាប់ពីបរាជ័យកាលពីយប់មិញនេះ សម្ពាធបានធ្លាក់មកលើ Erik ten Hag សាជាថ្មី ដ្បិតក្រុមបិសាចក្រហម ចាញ់ចំនួន២ប្រកួតទៅហើយ ក្នុង៣ប្រកួតដំបូង នៅ Premier League រដូវកាលនេះ ខណៈអ្នកគាំទ្រកំពុងរិះគន់លើទម្រង់លេងមិនប្រាកដប្រជារបស់ក្រុម ស្របពេលដែលក្លិបបានចាយលុយយ៉ាងច្រើនលើការទិញកីឡាកររដូវកាលថ្មីនេះ ប៉ុន្តែមិនដូចអ្វីដែលក្លិបចង់បាន។

ជុំវិញបញ្ហាខាងលើ លោក 𝐄𝐫𝐢𝐤 𝐭𝐞𝐧 𝐇𝐚𝐠 ឆ្លើយតបទៅអ្នករិះគន់ ដោយអះអាងថា លោកមិនមែនជា 𝐇𝐚𝐫𝐫𝐲 𝐏𝐨𝐭𝐭𝐞𝐫 ដែលជប់អ្វីៗធ្វើបានគ្រប់យ៉ាងទេ។ បើនិយាយពីសមិទ្ធផលវិញ២រដូវកាលមកនេះ យើងបានឈ្នះពានចំនួន ២គ្រឿង ហើយនៅអង់គ្លេស 𝐌𝐚𝐧 𝐔𝐭𝐝 ជាក្រុមទី២ បន្ទាប់ពី 𝐌𝐚𝐧 𝐂𝐢𝐭𝐲 ដែលឈ្នះពានច្រើនជាងគេ…មួយវិញទៀតនេះទើបតែ៣ប្រកួតសោះ មិនគួរចាប់ថ្នាក់ក្រុមឡើយថា ជាក្រុមអន់ ឬខ្លាំង។ នៅចុងបញ្ចប់នៃរដូវកាល អ្នកនឹងឃើញច្បាស់ថា យើងនឹងឈ្នះពានជាក់ជាមិនខាន។

គួរបញ្ជាក់ថា គិតត្រឹម៣ប្រកួតដំបូងនៅ Premier League ក្រុម Man United កំពុងឈរលេខរៀងទី១៤ ដោយឈ្នះ ឈ្នះ១ និងចាញ់២ ពោលគឺឈ្នះ Fulham ១-០, ចាញ់ Brighton ២-១ និងចាញ់ Liverpool ៣-០៕