ការស្ទង់មតិបោះឆ្នោតអាមេរិកឆ្នាំ 2024៖ លោកស្រី Harris នាំមុខ លោក Trump

ការស្ទង់មតិបោះឆ្នោតអាមេរិកឆ្នាំ 2024៖ លោកស្រី Harris នាំមុខ លោក Trump

អនុប្រធានាធិបតី និងជាបេក្ខភាពប្រធានាធិបតីសហរដ្ឋអាមេរិក លោកស្រី Kamala Harris បានទទួលជម្នះលើការគាំទ្រពីប្រជាពលរដ្ឋ ច្រើនជាង អតីតប្រធានាធិបតីសហរដ្ឋអាមេរិក លោក Donald Trump នៅក្នុងការស្ទង់មតិផ្សេងៗគ្នា ដែលត្រូវបានធ្វើឡើង បន្ទាប់ពីសន្និបាតជាតិប្រជាធិបតេយ្យ ។

តាមការចុះផ្សាយរបស់ទស្សនាវដ្តី Fords បានឱ្យដឹងថា លោកស្រី Harris បាននាំមុន លោក Trump ដោយពីរពិន្ទុ 47% ទល់ 45% នៅក្នុងការស្ទង់មតិចុងក្រោយរបស់ស្ថាប័នព័ត៌មាន Economist ដែលបានធ្វើឡើងកាលពីថ្ងៃអាទិត្យដល់ថ្ងៃអង្គារ ។

ប្រភពដដែលបន្តថា បើតាមការការស្ទង់មតិតាមអ៊ីនធឺណិតរបស់ស្ថាប័ន Yahoo News នៅថ្ងៃទី 22-26 ខែសីហា ដែលមានអ្នកបោះឆ្នោតប្រមាណ 1,200 នាក់ បង្ហាញថា លោកស្រី Harris បានកើនឡើងនូវការគាំទ្រចំនួន 47% ទល់ 46% ជាមួយនឹង 4% មិនទាន់សម្រេចចិត្ត និង 2% មិនបោះឆ្នោត។
ដោយឡែកនៅក្នុងការស្ទង់មតិមួយទៀត ចាប់ថ្ងៃទី 23-25 ខែសីហា បានរកឃើញថា លោកស្រី Harris នាំមុខលោក Trump ដោយទទួលបាន 48% ទល់ 44% ។ ការរកឃើញនេះ ស្រដៀងទៅនឹងការស្ទង់មតិកាលពីថ្ងៃទី 16-18 ខែសីហា ។
ជាមួយគ្នានោះដែរ លោកស្រី Harris នាំមុខលោក Trump ចំនួន 49% ទល់ 45% ក្នុងចំណោមអ្នកបោះឆ្នោតដោយទទួលបាន 51% ទល់ 45% នៅក្នុងការស្ទង់មតិដោយ Ipsos, ABC News និង The Washington Post ដែលបានចេញផ្សាយនៅថ្ងៃទី ១៨ ខែសីហា។

នៅក្នុងការស្ទង់មតិរបស់ស្ថាប័ន CBS និង YouGov ដែលបានចេញផ្សាយនៅថ្ងៃទី ១៨ ខែសីហាផងដែរ បានឱ្យដឹងថា លោកស្រី Harris មានចំណុចបីលើលោក Trump ក្នុងចំណោមអ្នកបោះឆ្នោតដោយទទួលបាន 51% ទល់ 48% ។

លោកស្រី Harris នាំមុខពី 50% ទល់ 46% នៅក្នុងការស្ទង់មតិរបស់មហាវិទ្យាល័យ Emerson ដែលមានអ្នកបោះឆ្នោត 1,000 នាក់ ដែលបាន ចេញផ្សាយនៅថ្ងៃទី 15 ខែសីហា។

ការស្ទង់មតិនេះ ធ្វើឡើងបន្ទាប់ពី លោកស្រី Harris បានចូលរួម ប្រកួតប្រជែង កាលពីខែមុន និងទទួលបានការគាំទ្រពីលោកប្រធានាធិបតីសហរដ្ឋអាមេរិក Joe Biden ៕