ក្រុមហាម៉ាស់៖ ការវាយប្រហាររបស់ក្រុមហេសបូឡា គឺជាការទះកំផ្លៀងអ៊ីស្រាអែល

ក្រុមហាម៉ាស់៖ ការវាយប្រហាររបស់ក្រុមហេសបូឡា គឺជាការទះកំផ្លៀងអ៊ីស្រាអែល

បរទេស៖ ក្រុមសកម្មប្រយុទ្ធប្រទេសប៉ាឡេស្ទីនហាម៉ាសកាលពីថ្ងៃអាទិត្យបានសាទរចំពោះ ការវាយប្រហាររបស់ក្រុមហេសបូឡារបស់ប្រទេសលីបង់ប្រឆាំងនឹងប្រទេសអ៊ីស្រាអែល និងបានហៅការវាយប្រហារនេះថា ជាការឆ្លើយតបយ៉ាងខ្លាំងនិងចំគោលដៅ ។

នៅក្នុងសេចក្តីថ្លែងការណ៍មួយរបស់ ក្រុមហាម៉ាសបាននិយាយ « យើងសូមធ្វើការសង្កត់ធ្ងន់ថា ការឆ្លើយតប យ៉ាងខ្លាំង និង ចំគោលដៅនេះ ស្ថិតនៅក្នុងអង្គភាព Zionist គឺជាការទះកំផ្លៀងមួយ សម្រាប់រដ្ឋាភិបាលអ៊ីស្រាអែល»។

នៅក្នុងការវាយប្រហារនោះ ក្រុមហេសបូឡាហ៍បានបាញ់រ៉ុក្កែត និងយន្តហោះគ្មានមនុស្សបើករាប់រយគ្រឿងទៅកាន់ប្រទេសអ៊ីស្រាអែលកាលពីព្រឹកថ្ងៃអាទិត្យ ខណៈដែលយោធាអ៊ីស្រាអែលបាននិយាយថា ខ្លួនបានវាយប្រហារប្រទេសលីបង់ជាមួយនឹងយន្តហោះប្រហែល ១០០ គ្រឿង ដើម្បីរារាំងការវាយប្រហារដ៏ធំជាងនេះ ។ ការវាយប្រហារនេះគឺជា ការប៉ះទង្គិចដ៏ធំបំផុតមួយនៅក្នុងសង្គ្រាមព្រំដែនជាង ១០ ខែមកនេះ ។

តាមសេចក្តីរាយការណ៍ នៅក្នុងការវាយប្រហារនោះ មានមនុស្ស ៣ នាក់ស្លាប់ នៅក្នុងប្រទេសលីបង់ និង មិនមានអ្នកស្លាប់នៅក្នុងប្រទេសអ៊ីស្រាអែល ។ ក្រុមហេសបូឡា បានបញ្ជាក់ថា ខ្លួនមិនទាន់មានគម្រោងធ្វើការវាយប្រហារបន្ថែមទៀតនៅឡើយទេ។ ខណៈ រដ្ឋមន្ត្រីការបរទេសអ៊ីស្រាអែលបាននិយាយថា ប្រទេសនេះមិនសង្រ្គាមពេញលេញទេ៕