រុស្ស៊ី : គ្មានកិច្ចពិភាក្សាលើសេចក្តីព្រាងដើម្បីសន្តិភាពដោយប្រទេសចិនក្នុងជំនួបរវាងរុស្ស៊ី និងចិននោះឡើយ
រុស្ស៊ី : គ្មានកិច្ចពិភាក្សាលើសេចក្តីព្រាងដើម្បីសន្តិភាពដោយប្រទេសចិនក្នុងជំនួបរវាងរុស្ស៊ី និងចិននោះឡើយ
បរទេស ៖ អ្នកនាំពាក្យរបស់ក្រសួងការបរទេសរុស្ស៊ី លោកស្រី Maria Zakharova កាលពីថ្ងៃម្សិលមិញនេះបានចេញមកប្រកាសថា ជំនួបរវាងមេដឹកនាំរុស្ស៊ី និងចិនកាលពីពេលចុងក្រោយកន្លងមកនេះគឺផ្តោតសំខាន់តែទៅលើការស្វែងរកឲ្យឃើញការពិតពីឫសគល់ដែលនាំឲ្យមានកើតជាជម្លោះ និងវិបត្តិនៅអ៊ុយក្រែនប៉ុណ្ណោះ។
អ្នកនាំពាក្យរបស់ក្រសួងការបរទេសរុស្ស៊ីដដែលរូបនេះបានលើកឡើងទៀតថារដ្ឋមន្ត្រីការបរទេសរុស្ស៊ី លោក Sergey Lavrov និងសមភាគីលោករដ្ឋមន្ត្រីការបរទេសចិន Wang Yi មិនបានធ្វើការពិភាក្សាទៅលើសំណើជាកិច្ចព្រមព្រៀងដែលរៀបចំឡើងដោយទីក្រុងប៉េកាំងនោះទេ។
លោកស្រីបានបន្តទៀតថា ៖ ចិនដែលជាដៃគូពិភាក្សាបានពន្យល់លំអិតអំពីការយល់ឃើញរបស់ពួកគេចំពោះឫសគល់ដែលបណ្តាលឲ្យមានវិបត្តិជម្លោះនៅអ៊ុយក្រែន.ក៏ដូចជាវិធីសាស្ត្របែបនយោបាយដើម្បីដោះស្រាយបញ្ហាទាំងនោះ ប៉ុន្តែមិនមានការពិភាក្សាលំអិតទៅលើផែនការដើម្បីកិច្ចព្រមព្រៀងណាមួយឡើយ។
សូមរំលឹកដែរថា កាលពីខែសប្តាហ៍មុនលោករដ្ឋមន្ត្រីការបរទេសចិន Wang Yi បានលើកឡើងអំពីផែនការនៃកិច្ចព្រមព្រៀងដើម្បីសន្តិភាពនៅអ៊ុយក្រែនដែលត្រូវបានរៀបចំឡើងដោយភាគីចិនដែរ ប៉ុន្តែក្នុងនោះលោករដ្ឋមន្ត្រីចិនរូបនេះក៏បានព្រមានថាក៏នឹងមានភាគីមួយចំនួនមិនពេញចិត្តចំពោះផែនការនេះនោះដែរ៕
