តើបារាំង ឬ អេស្ប៉ាញ នឹងក្លាយជាម្ចាស់មេដាយមាសបាល់ទាត់ នៅអូឡាំពិក ២០២៤ យប់នេះ
តើបារាំង ឬ អេស្ប៉ាញ នឹងក្លាយជាម្ចាស់មេដាយមាសបាល់ទាត់ នៅអូឡាំពិក ២០២៤ យប់នេះ
ក្រុមបាល់ទាត់ជម្រើសជាតិបារាំង នឹងត្រូវដណ្តើមមេដាយមាស ជាមួយក្រុម ជម្រើសជាតិ អេស្ប៉ាញ់ ក្នុងព្រឹត្តិការណ៍កីឡាអូឡាំពិក ទីក្រុងប៉ារីស ឆ្នាំ២០២៤ នៅថ្ងៃ សុក្រ ទី៩ ខែសីហា វេលាម៉ោង ១១៖០០នាទីយប់ នាកីឡដ្ឋាន Parc des Princes។
មុនមកកាន់វគ្គនេះ ក្រុមបាល់ទាត់ជម្រើសជាតិបារាំង ក្រោមការដឹកនាំរបស់លោក Thierry Henry បានទម្លាក់ក្រុមជម្រើសជាតិអេហ្ស៊ីប ក្នុងលទ្ធផល ៣-១ នៅវគ្គពាក់កណ្ដាផ្ដាច់ព្រ័ត្រ ខណៈ អេស្ប៉ាញ បានទម្លាក់ក្រុមជម្រើសជាតិម៉ារ៉ុក ក្នុងលទ្ធផល ២-១។
ក្នុងការប្រកួតដណ្ដើមមេដាយសំរឹទ្ធ កាលពីយប់មិញនេះ ក្រុមជម្រើសជាតិម៉ារ៉ុក បានលុតក្រុមជម្រើសជាតិអេហ្ស៊ីប យ៉ាងចាស់ដៃ ក្នុងលទ្ធផល ៦-០ ក្រោមក្រសែភ្នែកអ្នកទស្សនាផ្ទាល់ជិត៤ម៉ឺននាក់ នាកីឡដ្ឋាន Stade de la Beaujoire។
ដូច្នេះ យើងនឹងចាំមើលទាំងអស់គ្នាថាតើម្ចាស់ផ្ទះ បារាំង ឬ អេស្ប៉ាញ នឹងក្លាយជាម្ចាស់មេដាយមាសបាល់ទាត់ នៅអូឡាំពិក ទីក្រុងប៉ារីស ឆ្នាំ២០២៤នេះ?
