ការវាយប្រហារតាមអាកាសរបស់អ៊ីស្រាអែលបានសម្លាប់ជនជាតិប៉ាឡេស្ទីនជាង ៦០ នាក់បន្ថែមទៀត

ការវាយប្រហារតាមអាកាសរបស់អ៊ីស្រាអែលបានសម្លាប់ជនជាតិប៉ាឡេស្ទីនជាង ៦០ នាក់បន្ថែមទៀត

បរទេស៖ សារព័ត៌មាន​ AP បានចុះផ្សាយថា ការវាយប្រហារតាមអាកាសរបស់កងទ័ពប្រទេសអ៊ីស្រាអែលបានសម្លាប់ជនជាតិប៉ាឡេស្ទីនជាង ៦០ នាក់បន្ថែមទៀត នៅភាគខាងត្បូង និងកណ្តាលតំបន់ហ្គាហ្សាកាលពីយប់ថ្ងៃអង្គារិ៍ រួមទាំងមានការវាយប្រហារមួយទៀតនៅ លើ “តំបន់សុវត្ថិភាព” ។

ការវាយប្រហារតាមអាកាសក្នុងរយៈពេលប៉ុន្មានថ្ងៃថ្មីៗនេះបាននាំឱ្យមានការស្លាប់នូវជនជាតិប៉ាឡេស្ទីនជាច្រើននាក់នៅក្នុងតំបន់ហ្គាហ្សាស្ទ្រីប ។ ទោះបីជាប្រទេសអ៊ីស្រាអែលបានកាត់បន្ថយការវាយលុកលើទីតាំងសំខាន់ៗនៅភាគខាងជើង និងខាងត្បូងក៏ដោយ។

ស្ទើរតែរាល់ថ្ងៃ កងទ័ពប្រទេសអ៊ីស្រាអែល បានវាយប្រហារលើ “តំបន់សុវត្ថិភាព” ដែលមានទំហំហែល ៦០ គីឡូម៉ែត្រការ៉េ (23 ម៉ាយការ៉េ) នៅតាមបណ្តោយឆ្នេរសមុទ្រមេឌីទែរ៉ាណេ ជាកន្លែងដែលអ៊ីស្រាអែលបានប្រាប់ប្រជាជនប៉ាឡេស្ទីនដែលភៀសខ្លួនឱ្យជ្រកកោនដើម្បីគេចចេញពីការវាយ។

អ៊ីស្រាអែលបាននិយាយថា ខ្លួនកំពុងតាមចាប់ក្រុមសកម្មប្រយុទ្ធហាម៉ាស់ ដែលលាក់ខ្លួនក្នុងចំណោមជនស៊ីវិល បន្ទាប់ពីមានការវាយកាន់កាប់ យកបណ្តាញផ្លូវរូងក្រោមដីរបស់ក្រុមសកម្មប្រយុទ្ធនេះ និងបានសម្លាប់មេដឹកនាំយោធារបស់ក្រុមហាម៉ាស់ដ៏សំខាន់ គឺ លោក Mohammed Deif ។ តែយ៉ាងណា គេមិនទាន់ដឹងថា មេដឹកនាំរូបនេះបានស្លាប់ ឬ ក៏យ៉ាងណានៅឡើយទេ ខណៈព័ត៌មានមិនត្រូវបានបញ្ចេញជាសាធារណៈ។

យោធាអ៊ីស្រាអែលបានអះអាងកាលពីថ្ងៃអង្គារថា ខ្លួនបានកម្ចាត់ សម្លាប់ និងឃុំខ្លួន ក្រុមយោធារបស់ក្រុមហាម៉ាសដែលជាសកម្មប្រយុទ្ធប្រហែល ១៤,000 នាក់ ។ ជាពិសេសបានសម្លាប់មេបញ្ជាការកងពលតូចចំនួន៦នាក់ មេបញ្ជាការកងវរសេនាតូចជាង ២០នាក់ និងមេបញ្ជាការក្រុមហ៊ុនប្រមាណ១៥០ នាក់ ជាមួយនឹងការវាយប្រហារពីលើអាកាសចំគោលដៅចំនួន៣៧,000 នៅក្នុងតំបន់ហ្គាហ្សាស្ទ្រីប រួមទាំងភេរវករជាង ២៥,000 គោលដៅ។ តែយ៉ាងណាតួលេខនេះមិនអាចបញ្ជាក់ពីក្រុមឯករាជ្យបានទេ។

យុទ្ធនាការវាយប្រហាររបស់អ៊ីស្រាអែលបានផ្តោតលើតំបន់ហ្គាហ្សាភាគខាងជើង និង ភាគខាងត្បូងនៃ ទីក្រុងKhan Younis និង Rafah ខណៈការវាយប្រហារនេះ ក៏មានការតដៃពីក្រុមហាមាស់ផងដែរ ។

សង្គ្រាមនៅតំបន់ហ្គាហ្សា ត្រូវបានបង្កឡើងដោយការវាយប្រហារកាលពីថ្ងៃទី ៧ ខែតុលា ឆ្នាំ ២០២៣ របស់ក្រុមហាម៉ាសលើភាគខាងត្បូងអ៊ីស្រាអែល បានសម្លាប់មនុស្សជាង ៣៨,៦00 នាក់។ នេះបើយោងតាមក្រសួងសុខភាព ។

សង្រ្គាមនេះបានបង្កើតគ្រោះមហន្តរាយមនុស្សធម៌នៅក្នុងទឹកដីប៉ាឡេស្ទីនតាមមាត់សមុទ្រ ដែលមានប្រជាជនបានផ្លាស់ទីលំនៅប្រមាណ ២. លាននាក់ និងបង្កឱ្យមានភាពអត់ឃ្លានកើតឡើង ។

ការវាយប្រហារខែតុលារបស់ក្រុមហាម៉ាសបានសម្លាប់មនុស្ស១.២០០នាក់ ភាគច្រើនជាជនស៊ីវិល ហើយពួកសកម្មប្រយុទ្ធបានចាប់ចំណាប់ខ្មាំងប្រហែល២៥០នាក់។

យោងតាមអាជ្ញាធរអ៊ីស្រាអែលបានឲ្យដឹងថា មនុស្ស ប្រហែល ១២០ នាក់នៅជាប់ឃុំក្នុងនោះប្រហែលមួយភាគបីនៃពួកគេត្រូវបានគេជឿថាបានស្លាប់។ អំពើហិង្សាក៏បានកើនឡើងនៅតំបន់ West Bank ដែរ។

កាលពីថ្ងៃអង្គារ ជនជាតិប៉ាឡេស្ទីនម្នាក់បានចាក់ប៉ូលិសអ៊ីស្រាអែលម្នាក់ឱ្យរបួសស្រាល មុនពេលដែលមន្ត្រីម្នាក់ទៀតបានបើកការបាញ់ប្រហារដោយសម្លាប់ជនវាយប្រហារដែលត្រូវបានគេកំណត់អត្តសញ្ញាណថាជាយុវជន អាយុ ១៩ ឆ្នាំមកពីតំបន់ហ្គាហ្សា៕