កម្ពុជា និងចិន នឹងបើកព្រឹត្ដិការណ៍ឆ្នាំនៃការផ្លាស់ប្ដូរប្រជាជននិងប្រជាជននៃប្រទេសទំាងពីរ
កម្ពុជា និងចិន នឹងបើកព្រឹត្ដិការណ៍ឆ្នាំនៃការផ្លាស់ប្ដូរប្រជាជននិងប្រជាជននៃប្រទេសទំាងពីរ
សៀមរាប: បន្ទាប់ពីមានកិច្ចពិភាក្សាមួយរវាងក្រសួងវប្បធម៌និងវិចិត្រសិល្បៈរបស់កម្ពុជា និងក្រសួងវប្បធម៌របស់ប្រទេសចិន នៅខេត្តសៀមរាប នាថ្ងៃទី២១ ខែធ្នូឆ្នាំ២០២៣ ក្នុងការត្រៀមបើកព្រឹត្ដិការណ៍ឆ្នាំ នៃការផ្លាប្ដូរប្រជាជននិងប្រជាជន រវាងប្រទេសទាំងពីរ ដែលធ្វើឡើងនៅតំបន់អង្គរវត្ដនោះ ក្រសួងទាំងពីរ បានកំណត់យកថ្ងៃទី១៤ ខែមករា ឆ្នាំ២០២៤ខាងមុខនេះជាព្រឹត្ដិការណ៍ឆ្នាំ នៃការផ្លាស់ប្ដូរប្រជាជននិងប្រជាជនរវាងប្រទេសកម្ពុជា និងប្រទេសចិន ។
ឯកឧត្ដមបន្តថា ព្រឹត្ដិការណ៍នេះ សិល្បករល្បីៗមកពីប្រទេសចិន និងកម្ពុជា សម្ដែងសិល្បៈវប្បធម៌រួមគ្នា ដើម្បីបង្កើតចំណងមិត្ដភាពប្រទេសទាំងពីរ ជាពិសេសធ្វើយ៉ាងណាឱ្យមានការទាក់ទាញអ្នកទេសចរចិន ទៅទស្សនាប្រទេសកម្ពុជា ឱ្យកាន់តែច្រើនជាបន្ដបន្ទាប់ ព្រោះនៅក្នុងព្រឹត្ដិការណ៍នោះ មានគណៈប្រតិភូចិនប្រមាណមួយពាន់នាក់ ចូលរួមទស្សនា និងសិល្បៈករនៃប្រទេសចិនប្រមាណ១០០នាក់ ព្រមទាំងសិល្បៈករខ្មែរជាច្រើននាក់ផងដែរ ហើយក្រោយពីបញ្ចាប់ពីព្រឹត្ដិការណ៍នេះ ប្រទេសទាំងពីរនៅតែបន្ដរួមគ្នាផ្សព្វផ្សាយគោលដៅទេសចរណ៍អង្គរឱ្យកាន់តែច្រើននៅក្នុងឆ្នាំ២០២៤នេះ ។
ឯកឧត្ដម ជុក ជំនោ បន្ដទៀតថា នៅឆ្នាំ២០២៤ខាងមុននេះ រាជរដ្ឋាភិបាលប្រទេសទាំងពីរបានកំណត់នៃការគោរពពិធីនេះជាសំខាន់ ដូចនេះ ក្រុមការងារនៃក្រសួងវប្បធម៌និងទេសចរចិន ព្រមទាំងស្ថាប័នពាក់ព័ន្ធប្រទេសកម្ពុជា បានជួបជុំពិភាក្សាគ្នា ត្រៀមបើកព្រឹត្ដិការណ៍នេះ ឱ្យបានទូលំទូលាយ ដោយអោយអ្នកទស្សនាពីការសម្បែងសិល្បៈរួមគ្នា នៅតំបន់អង្គរ ខណៈដែលព្រឹត្ដិការណ៍នេះ ធ្វើឡើងជាផ្លូវការលើកទីមួយ ក្រោយពីបញ្ចប់វិបត្ដិជំងឺកូវី១៩។
ឯកអះអាងថា ព្រឹត្ដិការណ៍នេះ មិនត្រឹមតែទាក់ទាញអ្នកទេសចរចិនមកកាន់ទីផ្សារកម្ពុជាប៉ុណ្ណោះទេ ថែមទាំងបានរិតចំណងមិត្ដភាពប្រជាជន និងប្រជាជន វប្បធម៌ អរិយធម៌ ប្រពៃណីនៃប្រទេសទាំងពីរថែមមួយកំរិតទៀត។ព្រឹត្ដិការណ៍នេះ នឹងបើកទស្សនាដោយទូលាយ៕
