អារ៉ាប៊ីសាអ៊ូឌីត ក្លាយជាប្រទេសអាស៊ីទី៤ ទទួលបានសិទ្ធធ្វើជាម្ចាស់ផ្ទះ World Cup
អារ៉ាប៊ីសាអ៊ូឌីត ក្លាយជាប្រទេសអាស៊ីទី៤ ទទួលបានសិទ្ធធ្វើជាម្ចាស់ផ្ទះ World Cup
ប្រទេសអារ៉ាប៊ីសាអ៊ូឌីត ត្រូវបាន FIFA ប្រកាសថា នឹងទទួលសិទ្ធជាម្ចាស់ផ្ទះនៃព្រឹត្តិការណ៍ពានរង្វាន់ World Cup 2034 និងក្លាយជាប្រទេសទី៤ ក្នុងទ្វីបអាស៊ី ដែលទទួលបានការរៀបចំព្រឹត្តិការណ៍លំដាប់ពិភពលោកមួយនេះ បន្ទាប់ពីប្រទេស ជប៉ុន, កូរ៉េ, និងកាតា។
ប្រទេសជប៉ុន និងកូរ៉េ ជាប្រទេសនៅទ្វីបអាស៊ីដំបូងគេ ដែលបានធ្វើជាម្ចាស់ផ្ទះ World Cup ពោលគឺនៅក្នុងឆ្នាំ ២០០២ ហេីយបន្ទាប់មកគឺប្រទេសកាតា ដែលបានធ្វើជាម្ចាស់ផ្ទះកាលពី World Cup ២០២២ ដែលទើបតែកន្លងទៅកាលពីពេលថ្មីៗនេះ។
គួររំលឹកថា ក្នុងព្រឹត្តិការណ៍ FIFA World Cup ២០២២ ក្រុមជម្រើសជាតិអារ៉ាប៊ីសាអ៊ូឌីត ស្ថិតនៅក្នុងពូល C ជាមួយក្រុមអាហ្សង់ទីន, ម៉ារ៉ុក និងប៉ូឡូញ។ ក្រោយឆ្លងកាត់ ៣ប្រកួត ឈ្នះ១ ចាញ់២ ឈរនៅបាតតារាង មាន ៣ពិន្ទ។ ទោះបីជាយ៉ាងណា អារ៉ាប៊ីសាអ៊ូឌីត បានយកឈ្នះម្ចាស់ជើងឯកអាហ្សង់ទីន នៅវគ្គជម្រុះក្នុងពូល ក្នុងលទ្ធផល ១-២។
គួរបញ្ជាក់ថា ក្នុងព្រឹត្តិការណ៍បាល់ទាត់ពិភពលោក ឆ្នាំ២០២៦ សហរដ្ឋអាមេរិក, កាណាដា និងម៉ិកស៊ិក នឹងធ្វើជាសហម្ចាស់ផ្ទះ រួមគ្នា ហេីយនៅឆ្នាំ២០៣០ អេស្ប៉ាញ, ព័រទុយហ្គាល់, ម៉ារ៉ុក ជាសហម្ចាស់ផ្ទះ ខណៈប្រទេសអ៊ុយរូហ្គាយ, អាហ្សង់ទីន, និងប៉ារ៉ាហ្គាយ ជាសហម្ចាស់ផ្ទះដូចគ្នា តែទទួលរៀបចំតែ១ប្រកួតដំបូងប៉ុណ្ណោះ៕
