Harry Maguire ស៊ុតបញ្ចូលទី១គ្រាប់ ជួយ Manchester United យកឈ្នះ Copenhagen ទាំងលំបាក
Harry Maguire ស៊ុតបញ្ចូលទី១គ្រាប់ ជួយ Manchester United យកឈ្នះ Copenhagen ទាំងលំបាក
នៅទីបំផុត ខ្សែការពារកណ្ដាលដែលគ្រប់គ្នារិះគន់ កីឡាករ Harry Maguire បានស៊ុតបញ្ចូលទី១គ្រាប់ ជួយឲ្យក្រុមបិសាចក្រហម Manchester United យកឈ្នះក្រុម Copenhagen ក្នុងលទ្ធផល ១-០ ក្នុងការប្រកួត UCL កាលពីយប់ ថ្ងៃអង្គារ ទី២៤ ខែតុលា ឆ្នាំ២០២៣នេះ។
ទោះបីជាយ៉ាងណា កីឡាករដែលមិនអាចមេីលរំលងម្នាក់ទៀតនោះគឺ អ្នកចាំទីដៃស្អិត Andre Onana ដែលបានសង្គ្រោះបាល់ប៉េណាល់ទីនៅចុងម៉ោង ជួយឲ្យ Man United រកបាន៣ពិន្ទុ ក្នុងប្រកួតទី៣នេះ។
ការប្រកួតយប់មិញនេះ ក្រុមទាំងពីរបានបេីកការសម្រុកគ្នាទៅវិញទៅមក ដោយ Manchester United ស៊ុត១៥ជេីង ខណៈ Copenhagen ស៊ុត១៧ជេីង តែយ៉ាងណា មានគ្រាប់បាល់កេីតឡើងតែ១គ្រាប់គត់ ដែលធ្វើបានដោយកីឡាករ Maguire នៅនាទីទី៧២។
គួរបញ្ជាក់ថា ឆ្លងកាត់ការប្រកួតចំនួន៣ ក្រុមបិសាចក្រហម កំពុងឈរនៅលេខរៀងទី៣ ក្នុងពូល មាន ៣ពិន្ទុ ខណៈ Bayern Munich ឈរកំពូលតារាងមាន ៩ពិន្ទុពេញ ស្របពេលដែល Galatasaray ឈរលេខ២ មាន ៤ពិន្ទុ៕
