សមាជិកព្រឹទ្ធសភាអាមេរិកជំរុញឱ្យ Apple និង Google ដកកម្មវិធី TikTok ចេញពី Store ដោយបារម្ភពីសន្តិសុខជាតិ

ដោយ៖ Volak ENN | ថ្ងៃចន្ទ ទី៦ ខែកុម្ភៈ ឆ្នាំ២០២៣ ព័ត៌មានជាតិ ព័ត៌មានអន្តរជាតិ

បរទេស៖ សមាជិកនៃគណៈកម្មាធិការស៊ើបការណ៍សម្ងាត់ព្រឹទ្ធសភាកំពុងអំពាវនាវឱ្យ Apple និង Google ដកកម្មវិធី TikTok ចេញពី Store របស់ពួកគេ ជុំវិញការព្រួយបារម្ភអំពីសន្តិសុខជាតិ ខណៈដែលនៅមុននេះមានរដ្ឋជាច្រើនរបស់សហរដ្ឋអាមេរិក បានហាមឃាត់ការប្រើ TikTok នៅលើឧបករណ៍ៗផ្សេងៗរបស់មន្ត្រី។

យោងតាមការចេញផ្សាយរបស់សារព័ត៌មាន CNN នៅថ្ងៃចុងសប្ដាហ៍កន្លងទៅនេះ បានឱ្យដឹងថា លោក Michael Bennet សមាជិកព្រឹទ្ធសភាមកពីរដ្ឋ Colorado Democratic បានហៅ TikTok ថាជា “ការគំរាមកំហែងដែលមិនអាចទទួលយកបានចំពោះសន្តិសុខជាតិរបស់សហរដ្ឋអាមេរិក” ព្រមទាំងបានជំរុញឱ្យមានការហាមឃាត់ការប្រើកម្មវិធី TikTok ជាផ្លូវការ។

លោក Bennet បានសរសេរនៅក្នុងលិខិតមួយសរសេរទៅកាន់លោក Tim Cook នាយកប្រតិបត្តិក្រុមហ៊ុន Apple និងលោក Sundar Pichai នាយកប្រតិបត្តិក្រុមហ៊ុន Google បានគូសបញ្ជាក់ពីការភ័យខ្លាចថា ប្រទេសចិនអាចប្រើប្រាស់ច្បាប់សន្តិសុខជាតិរបស់ខ្លួន ដើម្បីបង្ខំ TikTok ឬក្រុមហ៊ុន ByteDance ដែលជាក្រុមហ៊ុនធំរបស់ TikTok ឱ្យប្រគល់ព័ត៌មានផ្ទាល់ខ្លួនរបស់អ្នកប្រើប្រាស់នៅសហរដ្ឋអាមេរិក។

នៅមុននេះ TikTok ក៏បានលាតត្រដាងដល់អ្នកប្រើប្រាស់អឺរ៉ុបថា ទិន្នន័យរបស់ពួកគេអាចត្រូវបានចូលប្រើដោយបុគ្គលិកដែលមានមូលដ្ឋាននៅក្នុងប្រទេសចិន ប៉ុន្តែនៅពេលនេះ TikTok កំពុងរៀបចំមជ្ឈមណ្ឌលទិន្នន័យមួយនៅសហរដ្ឋអាមេរិក ដើម្បីទិន្នន័យអ្នកប្រើប្រាស់សហរដ្ឋអាមេរិក។

FILE PHOTO: Google app is seen on a smartphone in this illustration taken, July 13, 2021. REUTERS/Dado Ruvic//File Photo

លោក Bennet បានព្រមានថា ប្រទេសចិន អាចព្យាយាមកំណត់នូវអ្វីដែលអ្នកប្រើអាមេរិកមើលឃើញនៅលើកម្មវិធី TikTok ដោយមានការប៉ះពាល់ដែលអាចកើតមានចំពោះគោលនយោបាយការបរទេស និងលទ្ធិប្រជាធិបតេយ្យ។

Apple និង Google មិនបានឆ្លើយតបភ្លាមៗចំពោះសំណើខាងលើឡើយ៕

អត្ថបទទាក់ទង

រដ្ឋាភិបាលកម្ពុជាសម្ពោធដាក់ឱ្យដំណើរការថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ ព័ត៌មានជាតិថ្ងៃចន្ទ ទី១៦ ខែធ្នូ ឆ្នាំ២០២៤
ក្រុមហ៊ុន ៥០ ដែលជាសមាជិកវេទិកាសម្ព័ន្ធឧស្សាកម្មកូរ៉េ (KIAF) បង្ហាញបំណងវិនិយោគនៅកម្ពុជា ព័ត៌មានជាតិថ្ងៃសុក្រ ទី១៣ ខែធ្នូ ឆ្នាំ២០២៤
រោងចក្រ សហគ្រាស និងសិប្បកម្ម ១៧ ទទួលបានពានរង្វាន់ឧស្សាហកម្មបៃតងកម្ពុជាឆ្នាំ ២០២៤ ព័ត៌មានជាតិថ្ងៃសុក្រ ទី១៣ ខែធ្នូ ឆ្នាំ២០២៤
រដ្ឋដាក់ឱ្យប្រើប្រាស់ប្រព័ន្ធកម្មវិធីអន្តរកម្មផ្លាស់ប្តូរទិន្នន័យរបស់ក្រសួងដែនដីជាមួយក្រុមហ៊ុន ក្រេឌីត ព័ត៌មានជាតិថ្ងៃសុក្រ ទី១៣ ខែធ្នូ ឆ្នាំ២០២៤
លោក ឃឹម ហ្វីណង៖ ថ្លៃស្ពៃក្រញាញ់របស់សហគមន៍នៅត្រាំកក់ មានតម្លៃ ២០០០៛ ព័ត៌មានជាតិថ្ងៃព្រហស្បតិ៍ ទី១២ ខែធ្នូ ឆ្នាំ២០២៤
មន្ត្រីកម្ពុជាបង្ហាញសុទិដិ្ឋនិយមថា វិនិយោគិនជប៉ុននឹងមកបណ្តាក់ទុនវិនិយោគនៅកម្ពុជាក្នុងឆ្នាំ ២០២៥ ព័ត៌មានជាតិថ្ងៃព្រហស្បតិ៍ ទី១២ ខែធ្នូ ឆ្នាំ២០២៤