ទីបំផុត! ក្រុមគោព្រៃកម្ពុជា ឈុតធំ រកបានជ័យជំនះលើកដំបូង ក្នុងឆ្នាំ២០២៣

ទីបំផុត! ក្រុមគោព្រៃកម្ពុជា ឈុតធំ រកបានជ័យជំនះលើកដំបូង ក្នុងឆ្នាំ២០២៣

ក្រុមបាល់ទាត់ជម្រើសជាតិកម្ពុជា ឈុតធំ បានយកឈ្នះ លើក្រុម ម៉ាកាវ ក្នុងលទ្ធផល ៤ ទល់នឹង ០ ក្នុងការប្រកួតមិត្តភាពអន្តរជាតិ “MinebeaMitsumi International Friendly” នាពហុកីឡដ្ឋានជាតិ កាលពីយប់ថ្ងៃ ចន្ទ ទី ១១ ខែ កញ្ញា ឆ្នាំ ២០២៣។

ការប្រកួតដ៏ជក់ចិត្តកាលពីយប់មិញនេះ ម្ចាស់ផ្ទះកម្ពុជា រកគ្រាប់បាល់បានរហូតដល់ ៣គ្រាប់ ក្នុងតង់ទីមួយ ពោលគឺរកបានដោយកីឡាករវ័យក្មេង សៀង ចន្ធា ចំនួនពីរគ្រាប់ នៅនាទី១៨ និងនាទី ២០ ខណៈ សឿយ វិសាល រកបានគ្រាប់បាល់ទី៣ នៅនាទី៣៩។ ចំណែកតង់ទី២ គ្រាប់បាល់កើតឡើងតែមួយគ្រាប់គត់ដោយកីឡាករ រ៉ឹម ប៊ុនហៀង នៅចុងម៉ោង ពោលគឺនៅនាទី៧៨។

ដូច្នេះ គិតត្រឹម ពេល នេះ ជំនួប រវាង កម្ពុជា ជាមួយ ម៉ាកាវ កើន ដល់ ៧ ប្រកួត ហើយ ខណៈ ក្រុម ទាំង ប៉ះ គ្នា លើក ដំបូង កាល ឆ្នាំ ២០០៨ ស្រប ពេល ដែល កម្ពុជា បាន ទាត់ បញ្ជូល ទី ក្រុម ម៉ាកាវ ចំនួន ១៨គ្រាប់ ហើយ ម៉ាកាវ ទាត់ ចូល វិញ ចំនួន ៧គ្រាប់។

មែនទែនទៅ ជ័យជំនះកាលពីយប់មិញនេះ គឺជាជ័យជំនះលើកដំបូងហើយក្នុងឆ្នាំ២០២៣នេះ សម្រាប់ក្រុមជម្រើសជាតិកម្ពុជា ឈុតធំ ខណៈការប្រកួតកន្លងមក កម្ពុជា បានត្រឹមស្មើ និងចាញ់ប៉ុណ្ណោះ សម្រាប់ឆ្នាំនេះ។

-កាលពីថ្ងៃ ទី២ ខែមករា ឆ្នាំ ២០២៣ កម្ពុជា ៣-១ ថៃ ពានរង្វាន់ AFF Championship
-កាលពីថ្ងៃ ទី១៥ ខែមករា ឆ្នាំ ២០២៣ កម្ពុជា ០-១ បង់ក្លាដេស ប្រកួតមិត្តភាព
-កាលពីថ្ងៃ ទី៧ ខែកញ្ញា ឆ្នាំ ២០២៣ កម្ពុជា ១-១ ហុងកុង ប្រកួតមិត្តភាព
-កាលពីថ្ងៃ ទី១១ ខែកញ្ញា ឆ្នាំ ២០២៣ កម្ពុជា ៤-០ ម៉ាកាវ ប្រកួតមិត្តភាព។

គួរបញ្ជាក់ថា ក្រុមគោព្រៃកម្ពុជា នឹងត្រូវប្រកួតវគ្គជម្រុះ 2026 FIFA World Cup ប្រចាំទ្វីបអាស៊ី ទល់ក្រុមជម្រើសជាតិប៉ាគីស្ថាន ចំនួន ២ជើង ក្នុងខែតុលា ឆ្នាំ២០២៣ ខាងមុខ៕