ដឹងទេថា កីឡាករតែម្នាក់គត់ដែល Messi ចង់បានអាវក្នុងអាជីពរបស់គាត់ តើម្នាក់នោះជាអ្នកណា?

ដឹងទេថា កីឡាករតែម្នាក់គត់ដែល Messi ចង់បានអាវក្នុងអាជីពរបស់គាត់ តើម្នាក់នោះជាអ្នកណា?

ជាការពិតណាស់ ចាប់តាំងពីចូលរួមជាមួយក្លឹប Inter Miami សមាជិកលីគកំពូលអាមេរិក អាវរបស់ Messi ត្រូវបានកីឡាករគូបដិបក្ខជាច្រើនចង់បាន ហើយចង់ទទួលបានវត្ថុអនុស្សាវរីយ៍ផ្សេងទៀតពីវីរបុរសបាល់ទាត់អាហ្សង់ទីនរូបនេះ។

ជាក់ស្ដែង កាលពីពេលថ្មីៗនេះ កីឡាករ Dax McCarty បានសុំប្តូរអាវជាមួយ Messi បន្ទាប់ពីក្រុម Inter Miami បានយកឈ្នះ ក្រុម Nashville ក្នុងវគ្គផ្តាច់ព្រ័ត្រ Leagues Cup។ បន្ទាប់មក កីឡាកររូបនេះ បានចែករំលែករូបថតខ្លួនឯងពាក់អាវ Messi បន្ទាប់ពីការបរាជ័យ ដោយដាក់ចំណងជើងថា “មិនមែនជាការបរាជ័យទាំងស្រុងទេ”។

កីឡាករ Nashville គឺជាអ្នកដែលសុំផ្លាស់ប្តូរអាវ ព្រោះ Messi កម្រធ្វើបែបនេះដោយខ្លួនឯងណាស់។ នៅឆ្នាំ ២០១៩ អតីតវីរបុរសក្រុមអ្នកមានបុណ្យ FC Barcelona រូបនេះ បានអះអាងថា រូបលោក នឹងមិនសុំប្ដូរអាវជាមួយគូរប្រកួតនោះទេ។ ប៉ុន្តែមានករណីលើកលែងមួយគឺលោក Zinedine Zidane កាលនៅជាកីឡាករ។

Messi មិនអាចរំលងឱកាសសុំអាវរបស់កីឡាករសញ្ជាតិបារាំង ក្នុងការប្រកួត El Clasico នោះទេ។ ទោះបីជាមានការប្រជែងគ្នារវាង Barca និង Real ខ្លាំងបែបណាក៏ដោយ ក៏ Messi នៅតែចង់បានអាវរបស់ Zizou(រហស្សនាម Zidane) ដែរ។

អំឡុងពេលនោះ Messi បានប្រាប់ TyC Sports ថា ៖«ជាធម្មតា ខ្ញុំមិនដែលសុំអាវនរណាម្នាក់ទេ ប៉ុន្តែខ្ញុំបានសុំអាវរបស់ Zidane »។

ជាការពិតណាស់ Zidane មានអាជីពមិនគួរឱ្យជឿនៅក្លឹប និងប្រទេស ដោយឈ្នះពានរង្វាន់ធំៗជាច្រើន។ គាត់បានឈ្នះជើងឯកនៅប្រទេសអ៊ីតាលី និងអេស្ប៉ាញ ជាមួយ Juventus និង Real ហើយបានឈ្នះ World Cup ក្នុងឆ្នាំ ១៩៩៨ និង Euro ក្នុងឆ្នាំ ២០០០។ ខ្សែបម្រើប្រយុទ្ធរូបនេះ ក៏បានឈ្នះពានរង្វាន់ Ballon d’Or ផងដែរ ក្នុងឆ្នាំ ១៩៩៨។ Zidane គឺជាកីឡាករដ៏អស្ចារ្យបំផុតក្នុងប្រវត្តិសាស្ត្រ ហើយ Messi កោតសរសើរយ៉ាងខ្លាំង ចំពោះទេពកោសល្យរបស់គាត់៕