ល្ងាចនេះ U23 កម្ពុជា ប្រកួតជាមួយម្ចាស់ផ្ទះថៃ ក្នុងពានរង្វាន់ AFF U23 Championship

ល្ងាចនេះ U23 កម្ពុជា ប្រកួតជាមួយម្ចាស់ផ្ទះថៃ ក្នុងពានរង្វាន់ AFF U23 Championship

(បាល់ទាត់)៖ នៅល្ងាចថ្ងៃចន្ទ ទី២១ ខែសីហានេះ វេលាម៉ោង ៧៖០០នាទី ក្រុមជម្រើសជាតិកម្ពុជា អាយុក្រោម២៣ឆ្នាំ នឹងត្រូវប្រកួតជាមួយក្រុមម្ចាស់ផ្ទះថៃ ក្នុងពានរង្វាន់ AFF U23 Championship ដោយការប្រកួតនឹងធ្វើឡើងនៅកីឡដ្ឋាន PTT Stadium។

មែនទែនទៅ នេះជាការប្រកួតចុងក្រោយហើយក្នុងវគ្គសន្សំពិន្ទុ ក្នុងពូល A ខណៈការប្រកួតនៅល្ងាចនេះ ក្រុមគោជំទង់កម្ពុជា ត្រូវការឈ្នះដាច់ខាត់ ដើម្បីអាចឡើងទៅកាន់វគ្គខ្វែង ឬវគ្គពាក់កណ្ដាលផ្ដាច់ព្រ័ត្រ។

•  លទ្ធផលប្រកួតរបស់កម្ពុជា៖

-ប្រកួតទី១ : កម្ពុជា ៥-០ ប្រ៊ុយណេ
-ប្រកួតទី២ : កម្ពុជា ១-១ មីយ៉ាន់ម៉ា។

•  លទ្ធផលប្រកួតរបស់ម្ចាស់ផ្ទះថៃ៖

-ប្រកួតទី១ : ថៃ ៣-០ មីយ៉ាន់ម៉ា
-ប្រកួតទី២ : ថៃ ៣-០ ប្រ៊ុយណេ។

បច្ចុប្បន្ន ម្ចាស់ផ្ទះ U-23 ថៃ កំពូលឈរនៅលើកំពូលតារាងក្នុងពូល A មាន ៦ពិន្ទុ, U-23 កម្ពុជា កំពុងឈរលេខ២ មាន ៤ពិន្ទុ, មីយ៉ាន់ម៉ា ឈរលេខ៣ មាន ១ពិន្ទុ ខណៈ ប្រ៊ុយណេ ឈរនៅបាតតារាង គ្មានពិន្ទុរាប់។

គួរបញ្ជាក់ថា ក្រៅតែការប្រកួតរវាងកម្ពុជា ជាមួយថៃ ក្នុងពេលដំណាលគ្នានេះ ក៏មានការប្រកួតមួយគូទៀតផងដែរ ដែលជាការជួបគ្នារវាង ប្រ៊ុយណេ ជាមួយ មីយ៉ាន់ម៉ា ខណៈការប្រកួតធ្វើឡើងក្នុងម៉ោងដំណាលគ្នា ពោលគឺម៉ោង ៨:០០នាទិយប់ នៅកីឡដ្ឋាន PTT Stadium ក្នុងខេត្ត Rayong៕