ក្តៅៗ ! Chelsea ប្រឈមនឹងការពិន័យយ៉ាងធ្ងន់ធ្ងរពី UEFA

ដោយ៖ Volak ENN | ថ្ងៃពុធ ទី៩ ខែសីហា ឆ្នាំ២០២៣ កីឡា

ក្លិបតោខៀវ Chelsea របស់មហាសេដ្ឋីអាមេរិក លោក Tood Boehly អាចនឹងត្រូវពិន័យយ៉ាងធ្ងង់ធ្ងរពីសហព័ន្ធកីឡាបាល់ទាត់អឺរ៉ុប ហៅកាត់ថា UEFA ដោយសាររឿងអាស្រូវនាពេលកន្លងមក របស់ម្ចាស់ក្លិបមុន។

កាសែត The Times ជឿជាក់ថា ប្រតិបត្តិការមិនធម្មតាមួយចំនួនបានកើតឡើង នៅចន្លោះឆ្នាំ ២០១២ និង ២០១៩ នៅពេលដែលមហាសេដ្ឋីរុស្ស៊ី Roman Abramovich នៅកាន់កាប់ក្លិប Chelsea។

របាយការណ៍បាននិយាយថា Chelsea នឹងត្រូវទទួលទណ្ឌកម្មយ៉ាងធ្ងន់ធ្ងរក្នុងទម្រង់នៃការផាកពិន័យដោយការកាត់ពិន្ទុ និងពិន័យជាប្រាក់ បើទោះបីជាឥឡូវនេះពួកគេ ត្រូវបានគ្រប់គ្រងដោយមហាសេដ្ឋីអាមេរិក Tood Boehly ក៏ដោយ។ របាយការណ៍បានបង្ហាញថា Chelsea បានបង់ប្រាក់រហូតដល់រាប់លានដុល្លារដល់កីឡាករ ដោយមិនបានចុះក្នុងរបាយការណ៍ហិរញ្ញវត្ថុប្រចាំឆ្នាំរបស់ក្លឹប ជាមួយ FA, Premier League និង UEFA។

ជុំវិញបញ្ហានេះ ស្ថាប័នគ្រប់គ្រងបាល់ទាត់អឺរ៉ុប បានប្រកាសកាលពីថ្ងៃទី២៨ ខែកក្កដាថា ខ្លួនបានពិន័យ Chelsea ១០ លានអឺរ៉ូ សម្រាប់ “ការបញ្ជូនព័ត៌មានហិរញ្ញវត្ថុមិនពេញលេញ” ចាប់តាំងពីឆ្នាំ ២០១២ រហូតដល់ឆ្នាំ ២០១៩។

លោក Abramovich បានចូលកាន់តំណែងនៅ Chelsea ក្នុងឆ្នាំ ២០០៣ ក្នុងតម្លៃ ១៤០លានផោន។ ការវិនិយោគរបស់មហាសេដ្ឋីរុស្ស៊ី បានជួយក្លឹបឈ្នះពាន Premier League ៥ ដង, FA Cup ៥ ដង, ពាន League Cup ៣ ដង, Champions League ២ ដង, Europa League ២ ដង, Community Shields ២ ដង និង UEFA Super Cup ១ ដង៕

អត្ថបទទាក់ទង

អបអរសាទរ! ជប៉ុន ក្លាយជាក្រុមដំបូងគេ កក់កៅអីឡើងទៅកាន់ការប្រកួត World Cup 2026 កីឡាថ្ងៃសុក្រ ទី២១ ខែមីនា ឆ្នាំ២០២៥
ទីបំផុត! IOC សម្រេចដាក់បញ្ជូល កីឡាប្រដាល់សកល ក្នុងព្រឹត្តិការណ៍កីឡាអូឡាំពិក ឆ្នាំ២០២៨ កីឡាថ្ងៃសុក្រ ទី២១ ខែមីនា ឆ្នាំ២០២៥
រាជរដ្ឋាភិបាល ផ្តល់ជូនប្រាក់រង្វាន់ជាង ១លាន ២សែនដុល្លារអាមេរិក ដល់ម្ចាស់ជ័យលាភីដណ្តើមបានមេដាយមាស ប្រាក់ និងសំរិទ្ធ កីឡាថ្ងៃព្រហស្បតិ៍ ទី២០ ខែមីនា ឆ្នាំ២០២៥
សោកស្ដាយផង! កម្ពុជា ចាញ់ វៀតណាម ២-១ ក្នុងជំនួបមិត្តភាពអន្តរជាតិ កីឡាថ្ងៃព្រហស្បតិ៍ ទី២០ ខែមីនា ឆ្នាំ២០២៥
គ្រូបង្វឹកក្រុមជម្រើសជាតិវៀតណាម ថា ការយកឈ្នះកម្ពុជា មិនងាយស្រួលទេ កីឡាថ្ងៃពុធ ទី១៩ ខែមីនា ឆ្នាំ២០២៥
តើគ្រូបង្វឹកក្រុមជម្រើសជាតិកម្ពុជា និយាយអ្វីខ្លះ មុនជួប វៀតណាម ល្ងាចនេះ កីឡាថ្ងៃពុធ ទី១៩ ខែមីនា ឆ្នាំ២០២៥