Arsenal លើកពាន FA Community Shield ក្រោយឈ្នះ Manchester City នៅវគ្គប៉េណាល់ទីកាត់សេចក្ដី
Arsenal លើកពាន FA Community Shield ក្រោយឈ្នះ Manchester City នៅវគ្គប៉េណាល់ទីកាត់សេចក្ដី
(បាល់ទាត់)៖ ក្លិបកាំភ្លើងធំ Arsenal ក្រោមការដឹកនាំរបស់លោក Mikel Arteta បានគ្រងជើងឯក FA Community Shield ឆ្នាំ២០២៣ បន្ទាប់ពីយកឈ្នះ ក្រុមមេឃខៀវ Manchester City ដោយបាល់ប៉េណាល់ទីកាត់សេចក្ដី ៤-១ បន្ទាប់ពីស្មើគ្នា ១-១ នៅម៉ោងធម្មតា ៩០នាទី និងម៉ោងបន្ថែម ១៥នាទី២ដង។
ការប្រកួតដែលធ្វើឡើងនៅកីឡដ្ឋាន Wembley Stadium ក្រុមទាំងពីរបានបើកការសម្រុកគ្នាយ៉ាងខ្លាំងនៅក្នុងតង់ទីមួយ ប៉ុន្តែមិនមានក្រុមណាអាចបំប៉ោងសំណាញ់ទីគ្នាបានឡើយ។ លុះចូលដល់តង់ទី២ ក្រុមមេឃខៀវ ដែលជាម្ចាស់ជើងឯក English Premier League 2022-23 បានបើកការនាំមុខមុន នៅនាទីទី ៧៧ ដោយកីឡាករវ័យក្មេង Cole Palmer បន្ទាប់ពីមានការបញ្ជុនបាល់យ៉ាងល្អពីខ្សែបម្រើឆ្នើម De Bruyne។
នៅក្នុងម៉ោងបន្ថែមបង្រ្គប់តង់ទីពីរ អាជ្ញារកណ្ដាលរៀបនឹងផ្លុំកញ្ជែបញ្ចប់ការប្រកួតទៅហើយ កីឡាករ Trossard បានស៊ុតបញ្ជូលទីមួយគ្រាប់តាមស្មើ ធ្វើឲ្យការរំពឹងលើកពានរបស់ Man City ត្រូវរលាយ។ ការប្រកួតឈានចូលដល់ម៉ោងបន្ថែម ១៥នាទី២ដង ប៉ុន្តែមិនមានគ្រាប់បាល់កើតឡើងឡើយ ហើយឈានការស៊ុតបាល់ Penalty កាត់សេចក្ដី ដើម្បីរកម្ចាស់ជើងឯក។ ជាលទ្ធផល Arsenal បានយកឈ្នះ Man City ដោយបាល់ Penalty ៤ ទល់នឹង ១។
បូកទាំងលើកនេះ Arsenal បានគ្រងជើងឯក FA Community Shield ជាលើកទី១៧ ហើយ (១៩៣០, ១៩៣១, ១៩៣៣, ១៩៣៤, ១៩៣៨, ១៩៤៨, ១៩៥៣, ១៩៩១, ១៩៩៨, ១៩៩៩, ២០០២, ២០០៤, ២០១៤, ២០១៥, ២០១៧, ២០២០, ២០២៣)។
គួរបញ្ជាក់ថា ប្រវត្តិជួបគ្នា៧ លើកចុងក្រោយរវាង Arsenal ជាមួយ Man City នៅ គិតគ្រប់កម្មវិធីទាំងអស់ ក្រុមកាំភ្លើងធំ មិនដែលឈ្នះ ក្រុមមេឃខៀវឡើយ ពោលគឺ Arsenal ចាញ់ទាំង៧លើក។ នេះបើយើងមិនរាប់ការប្រកួតម្សិលមិញនេះ៕
