ចំណេះដឹងសុខភាព : ការដាំដំណាំ ឬធ្វើចំការ អាចកាត់បន្ថយជំងឺមហារីក និងមានផលល្អដល់សុខភាព
ចំណេះដឹងសុខភាព : ការដាំដំណាំ ឬធ្វើចំការ អាចកាត់បន្ថយជំងឺមហារីក និងមានផលល្អដល់សុខភាព
យោងការសិក្សាស្រាវជ្រាវថ្មីមួយបានបង្ហាញថា ការធ្វើចំការ ឬសកម្មភាពដាំដំណាំផ្សេងៗនៅជុំវិញផ្ទះ អាចកែលំអបញ្ហាសុខភាពរាងកាយ និងផ្លូវចិត្ត ហើយថែមទាំងអាចជួយកាត់បន្ថយហានិភ័យកើតជំងឺមហារីកទៀតផង។
លទ្ធផលនៃការសិក្សាស្រាវជ្រាវខាងលើនេះត្រូវបានចុះផ្សាយលើទស្សនាវដ្ដី Lancet Planetary Health នៅសហរដ្ឋអាមេរិកកាលពីពេលកន្លងទៅ និងត្រូវបានចម្លងផ្សព្វផ្សាយយ៉ាងទូលាយនៅក្នុស្រុក។ នេះគឺជាកការសិក្សសស្រាវដោយមានការគ្រប់គ្រងត្រឹមត្រូវ និងបង្ហាញថា អ្នកធ្វើចំការ ឬដាំដំណាំសម្រាប់បរិភោគចំពោះអាហារដែលមានជាតិសរសៃច្រើន និងការបញ្ចេញកម្លាំងច្រើន មានប្រសិទ្ធភាពក្នុងការកាត់បន្ថយហានិភ័យកើតជំងឺមហារីក និងជំងឺរ៉ាំរ៉ៃជាច្រើនមុខទៀត។ នេះបើតាមសាស្ត្រាចារ្យ Jill Litt មកពីសាកលវិទ្យាល័យ Colorado Boulder ដែលជាប្រធានក្រុមសិក្សាស្រាវជ្រាវខាងលើ។
លទ្ធផលនៃការសិក្សាស្រាវជ្រាវនេះត្រូវបានធ្វើឡើងលើអ្នកស្ម័គ្រចិត្ត ២៩១ នាក់ ដែលចែកជាពីរក្រុម រួមមាន ក្រុមធ្វើចំការ និងក្រុមមិនធ្វើចំការ។
ក្រោយមួយរយៈពេល អ្នកស្ម័គ្រចិត្តទាំង ២៩១ នាក់ ត្រូវបានសួរនាំអំពីរបបអាហារ សុខភាពផ្លូវចិត្ត និងវាស់ស្ទង់ទំហំនានារបស់រាងកាយ និងពាក់ម៉ាស៊ីនតាមដានសកម្មភាព។ ជា
លទ្ធផលបង្ហាញថា សារជាតិសរសៃជាមធ្យមនៅក្នុងរបបអាហារប្រចាំថ្ងៃរបស់ក្រុមអ្នកធ្វើចំការខ្ពស់ជាង ១.៤ក្រាម (៧%) ធៀបនឹងក្រុមមិនធ្វើចំការ។ ក្រុមអ្នកជំនាញឱ្យដឹងថា ជាតិសរសៃមានឥទ្ធិពលទៅលើប្រព័ន្ធភាពស៊ាំរបស់រាងកាយ របៀបដែលមនុស្សរំលាយអាហារ សុខភាពរបស់បាក់តេរីក្នុងប្រព័ន្ធរំលាយអាហារ កម្រិតនៃភាព «រសើប» នឹងជំងឺទឹកនោមផ្អែម និងជំងឺមហារីកមួយចំនួន។
បរិមាណនៃជាតិសរសៃដែលសមស្របសម្រាប់មនុស្សម្នាក់គឺពី ២៥ ទៅ ៣៨ក្រាម ជារៀងរាល់ថ្ងៃ។ ប៉ុន្តែ មនុស្សពេញវ័យនៅទីក្រុង តែងតែបរិភោគតិចជាង ១៦ ក្រាម។ «បន្ថែមជាតិសរសៃ ១ ក្រាម អាចជះឥទ្ធិពលវិជ្ជមានដល់សុខភាព» ។ នេះបើតាម James Hebert សហប្រធាននៃក្រុមស្រាវជ្រាវខាងលើ និងជាប្រធានកម្មវិធីគ្រប់គ្រង និងទប់ស្កាត់ជំងឺមហារីករបស់សាកលវិទ្យាល័យ Carolina ខាងត្បូង។
ក្រុមអ្នកធ្វើចំការក្នុងការសិក្សានេះ បញ្ចេញកម្លាំងយូរជាង ៤២ នាទី ធៀបនឹងក្រុមមួយទៀត។ ស្ថាប័នសុខាភិបាលណែនាំឱ្យហាត់ប្រាណឱ្យបានយ៉ាងតិច ១៥០ នាទីជារៀងរាល់សប្ដាហ៍។
ក្រុមអ្នកស្ម័គ្រចិត្តក៏បានឱ្យដឹងថា ការធ្វើចំការក៏ជួយកាត់បន្ថយបញ្ហាថប់អារម្មណ៍ និងភាពតានតឹងក្នុងចិត្តផងដែរ។ ក្រុមអ្នកវិទ្យាសាស្ត្របញ្ជាក់ថា សូម្បីតែអ្នកទើបតែចាប់ផ្ដើមធ្វើចំការក៏អាចទទួលបានផលប្រយោជន៍ច្រើនផ្នែកសុខភាពស្ទើរមិនគួរឲ្យជឿផងដែរ៕
