Tottenham Spurs ក្លាយជាម្ចាស់ជើងឯក Europa League ខណៈ Son Heung-min ស្គាល់រស់ជាតិពានលើកដំបូងជាមួយក្លិប
Tottenham Spurs ក្លាយជាម្ចាស់ជើងឯក Europa League ខណៈ Son Heung-min ស្គាល់រស់ជាតិពានលើកដំបូងជាមួយក្លិប
គ្រាប់បាល់មួយគ្រាប់របស់កីឡាករអេស្ប៉ាញ Brennan Johnson បានជួយឱ្យ ក្រុមមាន់ខ្នាយមាស Tottenham យកឈ្នះ ក្រុមបិសាចក្រហម Man Utd ក្នុងលទ្ធផល ១-0 ក្នុងការប្រកួតវគ្គផ្តាច់ព្រ័ត្រ Europa League ខណៈនេះក៏ជាការឈ្នះពានលើកដំបូងផងដែរ របស់កីឡាករឆ្នើមអាស៊ី Son Heung-min ក្រោយរួមរស់ទីនោះអស់រយៈពេល ១០ឆ្នាំ។
Tottenham បានឈ្នះពាននេះ ដោយសារការស៊ុតបាល់បញ្ចូលទីតែមួយគ្រាប់របស់ពួកគេ ក្នុងការប្រកួតដែលគ្រប់គ្រងបាល់ត្រឹមតែ ២៧ភាគរយ និងប៉ះបាល់សរុបចំនួន ១១៥ជើងប៉ុណ្ណោះ។ ទាំងនេះគឺជាតួលេខទាបបំផុត សម្រាប់ការវគ្គផ្តាច់ព្រ័ត្រពានរង្វាន់អឺរ៉ុប ក្នុងរយៈពេល ១៥ឆ្នាំ។ មែនទែនទៅ នេះ ជាការឈ្នះពានរង្វាន់ជាលើកដំបូងរបស់ពួកគេ ក្នុងរយៈពេលជាង ១៧ឆ្នាំ ពោលគឺចាប់តាំងពីឆ្នាំ ២០០៨ មក។
ការបរាជ័យនេះ គឺជារឿងដ៏ជូរចត់ សម្រាប់ Man Utd ព្រោះនេះ ក៏ជាការបរាជ័យតែមួយគត់របស់ពួកគេ ក្នុងពានរង្វាន់អឺរ៉ុប រដូវកាលនេះ។ បើធៀបនឹងការចាញ់ទាំងបីទល់នឹង Tottenham ក្នុងរដូវកាលនេះ Man Utd ធ្វើបានល្អជាងលើកនេះ។ រដូវកាលក្រោយ Man Utd នឹងមិនមានកៅអីលេងក្នុងពានរង្វាន់អឺរ៉ុបទេ។
តាមរយៈជ័យជំនះនេះ បានធ្វើឲ្យតារាឆ្នើមដែលមកពីតំបន់អាស៊ី កីឡាករ Son Heung-min បានបញ្ចប់ភាពរាំងស្ងួតក្នុងការឈ្នះពាន ដោយនេះជាពានទីមួយរបស់គេ ជាមួយក្លិបមាន់ខ្នាយមាស បន្ទាប់ពីចូលរួមជាមួយក្លិបក្នុងឆ្នាំ២០១៥។ គិតមកទល់ពេលនេះ Son ស៊ុតបញ្ជូលទីសរុបចំនួន ១២៧គ្រាប់ ក្នុងការបង្ហាញខ្លួន ៣៣៣ប្រកួត៕
