អ្នកចាំទីដៃស្អិត Onana ថាកីឡាកររបស់ Man United ចង់ឱ្យ Van Nistelrooy បន្តស្នាក់នៅ Old Trafford

អ្នកចាំទីដៃស្អិត Onana ថាកីឡាកររបស់ Man United ចង់ឱ្យ Van Nistelrooy បន្តស្នាក់នៅ Old Trafford

អ្នកចាត់ការបណ្ដោះអាសន្ន Ruud van Nistelrooy នឹងចាកចេញពីក្លិបបិសាចក្រហម Manchester United បន្ទាប់ពីការមកដល់របស់ លោក Ruben Amorim ប៉ុន្តែអ្នកចាំទី Andre Onana បាននិយាយថា កីឡាករនៅចង់ឱ្យគ្រូបង្វឹកសញ្ជាតិហូឡង់ បន្តនៅជាមួយក្លឹប។

Van Nistelrooy បានឈានជើងចូលក្នុងតួនាទីជាគ្រូបង្វឹក បន្ទាប់ពីការបណ្តេញលោក Erik ten Hag និងមិនស្គាល់បរាជ័យសោះ ក្នុងការដឹកនាំ៣ប្រកួតរបស់លោក ដោយបានដឹកនាំ United ឱ្យឈ្នះ ២-0 លើ ក្រុម PAOK ក្នុងក្របខ័ណ្ឌ Europa League កាលពីថ្ងៃព្រហស្បតិ៍ ដែលជាជ័យជម្នះលើកដំបូងរបស់ពួកគេនៅពានរង្វាន់អឺរ៉ុប ក្នុងរយៈពេលជាងមួយឆ្នាំ។

អតីតខ្សែប្រយុទ្ធរបស់ United លោក Van Nistelrooy ធ្លាប់បាននិយាយថា លោកចង់នៅជាផ្នែកនៃក្រុមអ្នកគ្រប់គ្រងរបស់ក្លឹប បន្ទាប់ពីការប្រកួតបណ្តោះអាសន្ន បានបញ្ចប់នៅថ្ងៃអាទិត្យ ជាមួយនឹងការប្រកួត Premier League ទល់នឹង Leicester City ។

នៅពេលសួរថាតើកីឡាកររបស់បិសាចក្រហម ចង់បានដូចគ្នាដែរឬអត់នោះ អ្នកចាំទី Onana បានប្រាប់ TNT Sports ថា៖ «១០០ភាគរយ គាត់ជាបុរសល្អម្នាក់ និងជាគ្រូបង្វឹកដ៏ល្អម្នាក់។ គាត់មានបទពិសោធច្រើន ហើយគាត់ផ្តល់ការប្រឹក្សាដល់ពួកយើងច្រើនណាស់»។

ទោះបីជាយ៉ាណាក៏ដោយ Van Nistelrooy បាននិយាយថា ការផ្តោតអារម្មណ៍តែមួយគត់របស់លោកគឺការរៀបចំក្រុម សម្រាប់ការប្រកួតចុងក្រោយ ដែលលោកទទួលបន្ទុក។

លោក Van Nistelrooy បាននិយាយថា៖ «ខ្ញុំចង់ឱ្យការប្រកួតចុងក្រោយរបស់ខ្ញុំជាបណ្តោះអាសន្នទទួលបានលទ្ធផលល្អ។ ខ្ញុំចង់រៀបចំវាឱ្យបានល្អ តាមដែលខ្ញុំអាចធ្វើបាន និងផ្តល់ឱ្យកីឡាករនូវអ្វីគ្រប់យ៉ាងដែលពួកគេត្រូវការ ដើម្បីទទួលបានលទ្ធផលល្អបំផុតពីពួកគេ»៕