Close

Manchester United ចាញ់ West Ham ខណៈ Liverpool និង Arsenal បានត្រឹមស្មើគ្នា

ដោយ៖ Chhan Sreyka ​​ | ថ្ងៃចន្ទ ទី២៨ ខែតុលា ឆ្នាំ២០២៤ កីឡា
Manchester United ចាញ់ West Ham ខណៈ Liverpool និង Arsenal បានត្រឹមស្មើគ្នា Manchester United ចាញ់ West Ham ខណៈ Liverpool និង Arsenal បានត្រឹមស្មើគ្នា

ក្រុមបិសាចក្រហម Manchester United ក្រោមការដឹកនាំរបស់លោក Erik ten Hag បានបរាជ័យក្រោមថ្វីជើង ក្រុមញញួរដែក West Ham ដែលមានលោក Julen Lopetegui ជាគ្រូបង្វឹក ដោយលទ្ធផល ១-២ ក្នុងការប្រកួតក្របខ័ណ្ឌ Premier League សប្ដាហ៍ទី៩។

ជំនួបរវាង បិសាចក្រហម និង ញញួរដែក កាលពីយប់មិញនេះ គឺក្រុមម្ចាស់ផ្ទះ West Ham បានបើកការនាំមុខមុនដោយកីឡាករ Crysencio Summerville នៅនាទី៧៤ ប៉ុន្តែ៧នាទីក្រោយមក ពោលគឺនៅនាទី៨១ កីឡាករ Casemiro បានជួយឲ្យបិសាចក្រហម តាមស្មើវិញ ១-១។ ប៉ុន្តែនៅចុងម៉ោងទៅហើយ Jarrod Bowen បានស៊ុតបាល់ប៉េណាល់ទី បានសម្រេច ជួយឲ្យ West Ham យកឈ្នះ Manchester United ក្នុងលទ្ធផល ២-១។

Soccer Football – Premier League – West Ham United v Manchester United – London Stadium, London, Britain – October 27, 2024 West Ham United’s Jarrod Bowen celebrates scoring their second goal with Danny Ings REUTERS/Tony O Brien

ងាកមកចាប់អារម្មណ៍គូរធំប្រចាំសប្ដាហ៍ទី៩ នេះ គឺជាការជួបគ្នារវសងក្រុមហង្សក្រហម Liverpool និងក្រុមកាំភ្លើងធំ Arsenal ដែលធ្វើឡើងនៅ Emirates Stadium គឺក្រុមខ្លាំងទាំងពីរបានបញ្ចប់ទៅដោយលទ្ធផល ២-២។ ២គ្រាប់របស់ Liverpool រកបានដោយកីឡាករ Van Dijk និង Salah ខណៈ២គ្រាប់របស់ Arsenal រកបានដោយកីឡាករ Saka និង Merino។

គួរបញ្ជាក់ថា ឆ្លងកាត់តាមរយៈការប្រកួតចំនួន៩សប្ដាហ៍លើទីលាន ឃើញថា ក្រុមការពារដំណែងជើងឯក Manchester City កំពុងឈេកំពូលតារាង Premier League មាន ២៣ពិន្ទុ តាមពីក្រោយដោយ Liverpool មាន ២២ពិន្ទុ Arsenal ឈរលេខ៣ មាន ១៨ពិន្ទុ ខណៈ Manchester United ឈរលេខ១៤ មាន ១១ពិន្ទុ៕

អត្ថបទទាក់ទង