Chelsea និង Nothingham ត្រូវបានចោទប្រកាន់ដោយ FA សម្រាប់ការប៉ះទង្គិចគ្នានៅទីលាន កាលពីចុងសប្ដាហ៍មុន
Chelsea និង Nothingham ត្រូវបានចោទប្រកាន់ដោយ FA សម្រាប់ការប៉ះទង្គិចគ្នានៅទីលាន កាលពីចុងសប្ដាហ៍មុន
ក្លិបតោខៀវ Chelsea និង Nottingham Forest ត្រូវបានចោទប្រកាន់ដោយសមាគមបាល់ទាត់អង់គ្លេស ហៅកាត់ថា FA បន្ទាប់ពីការប៉ះទង្គិចគ្នានៅទីលានរវាងកីឡាកររបស់ពួកគេ អំឡុងពេលប្រកួតស្មើ ១-១ កាលពីថ្ងៃអាទិត្យ ក្នុងក្របខ័ណ្ឌ Premier League ។
កីឡាករ Neco Williams របស់ Forest បានជំរុញឱ្យមានការប្រឈមមុខដាក់គ្នានៅទីលានប្រកួតបន្ទាប់ពីការប្រជែងរបស់គាត់លើកីឡាករ Marc Cucurella របស់ Chelsea។
បន្ទាប់មកអ្នកលេងជាច្រើនបានប៉ះទង្គិចគ្នា រួមទាំងខ្លះចេញពីកៅអី រុញគ្នាទៅវិញទៅមក មុនពេលដែលអាជ្ញាកណ្តាល Chris Kavanagh គ្រប់គ្រងវិញ។ ការប្រកួតនេះមានកាតលឿងសរុបចំនួន ១១។
FA បាននិយាយនៅក្នុងសេចក្តីថ្លែងការណ៍មួយដោយប្រកាសពីការចោទប្រកាន់ថា “វាត្រូវបានចោទប្រកាន់ថាក្លឹបទាំងពីរបានបរាជ័យក្នុងការធានាថាកីឡាកររបស់ពួកគេមិនមានអាកប្បកិរិយាមិនសមរម្យ និងបង្កហេតុនៅនាទីទី ៨៨”។
បេីតាម FA ក្លឹបទាំងពីរ មានរយៈពេលរហូតដល់ថ្ងៃព្រហស្បតិ៍ ទី ១០ ខែតុលា ដើម្បីផ្តល់ការឆ្លើយតបរបស់ពួកគេ៕
