សូមអបអរសាទរ! ប្រទះឃើញឧទ្ធម្ភាគចក្រដែលបានបាត់ដំណឹងនៅតំបន់ជួរភ្នំក្រវាញនៅថ្ងៃនេះហើយ
សូមអបអរសាទរ! ប្រទះឃើញឧទ្ធម្ភាគចក្រដែលបានបាត់ដំណឹងនៅតំបន់ជួរភ្នំក្រវាញនៅថ្ងៃនេះហើយ
នាយឧតុ្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ នៅថ្ងៃទី ២៩ ខែកក្កដា ឆ្នាំ ២០២៤ នេះ បានបញ្ជាក់ថា ក្រុមប្រតិបត្តិការរុករកបានប្រទះឃើញឧទ្ធម្ភាគចក្រ ដែលបានបាត់ដំណឹងនៅតំបន់ជួរភ្នំក្រវាញនៅថ្ងៃនេះ បន្ទាប់ពីបើកប្រតិបត្តិការរុករក អស់រយៈពេល១៧ថ្ងៃ។
លោក ឈុំ សុជាតិ បានសរសេរនៅលើហ្វេសប៊ុកថា ៖«សូមជម្រាបជូនដំណឹងបឋមថា បន្ទាប់ពីបើកប្រតិបត្តិការរុករក អស់រយៈពេល១៧ថ្ងៃ នៅថ្ងៃទី២៩ ខែកក្កដា ឆ្នាំ២០២៤នេះ ក្រុមប្រតិបត្តិការរុករកបានប្រទះឃើញឧទ្ធម្ភាគចក្រ ដែលបានបាត់ដំណឹងនៅតំបន់ជួរភ្នំក្រវាញ តាំងពីថ្ងៃទី១២ ខែកក្កដាហើយ»។
លោក បន្តថា៖« ឧទ្ធម្ភាគចក្រនេះ ត្រូវបានប្រទះឃើញពីលើអាកាសនៅចំណុចភ្នំយ៉ាវយ៉ៃ ស្ថិតនៅក្នុងឃុំថ្មដា ស្រុកវាលវែង ខេត្តពោធិ៍សាត់ បន្ទាប់ពីអាកាសធាតុអំណោយផល ខណៈពេលនេះ កម្លាំងថ្មើរជើងកំពុងទៅកាន់ទីនោះ»។
សូមរំលឹកថា កាលពីថ្ងៃទី១២កក្កដា ឧទ្ធម្ភាគចក្រមួយគ្រឿងប្រភេទZ9 ជាមួយអ្នកបើកបរ២នាក់ ប៉ុន្តែបានបាត់ការទាក់ទងនៅពេលកំពុងបើកបរហ្វឹកហ្វឹននៅតំបន់ភ្នំក្រវ៉ាញ៕
