ការប្រើចង្កឹះឫស្សី និងគ្រោះថ្នាក់ចំពោះសុខភាព

ដោយ៖ Volak ENN | ថ្ងៃអង្គារ ទី៣១ ខែមករា ឆ្នាំ២០២៣ សុខភាព

ចង្កឹះឫស្សី ប្រើម្តងចោលដែលលោកអ្នកនិយមយកមកប្រើក្នុងការចាប់អាហារញ៉ាំរៀងរាល់ថ្ងៃនេះ អ្នកមានដឹងទេថា ចង្កឹះឫស្សីមួយគូដែលស្ថិតនៅក្នុងស្រោមថ្មីស្អាតនោះ ដើម្បីថែរក្សាសាច់ឫស្សីឲ្យមានអាយុកាលវែង មិនឆាប់ខូច និងទុកបានយូរ តើរោងចក្រផលិតគេប្រើប្រាស់សារធាតុគីមីអ្វីខ្លះ? ព្រោះជាទូទៅឫស្សីជាវត្ថុធាតុដែលងាយពុកផុយ ហើយដុះផ្សិតទៀតផង ។

តាមរយៈគេហទំព័រ Soha អ្នកជំនាញបាននិយាយថា នៅក្នុងចង្កឹះឫស្សីមានផ្ទុកនូវសារធាតុគីមីពុល ដែលមានឥទ្ធិពលក្នុងការប្រឆាំងនឹងការដុះផ្សិត ព្រមទាំងមានផ្ទុកនូវសារធាតុស្ពាន់ធ័រ បណ្ដាលឲ្យមានគ្រោះថ្នាក់ដល់សុខភាពមនុស្ស បណ្តាលឱ្យមានអាការដូចជា វិលមុខ ចុកទ្រូង និងមានបញ្ហាចង្វាក់បេះដូងជាដើម ។

ជាចុងក្រោយ អ្នកជំនាញបានយកចង្កឹះឫស្សីដែលមានលក់នៅលើទីផ្សារមកធ្វើការពិសោធ ដោយការត្រាំទឹកក្ដៅចោលរយៈពេល ២ ទៅ ៣ នាទី រួចហើយក៏សង្កេតឃើញថា ទឹកដំបូងឡើយមានពណ៌សថ្លា តែមួយសន្ទុះក្រោយមកទឹកបានប្រែទៅជាពណ៌លឿង នេះបញ្ចាក់ថា ចង្កឹះឫស្សីមានលាបសារធាតុម្សៅស ដែលធ្វើឲ្យចង្កឹះរលោងស្អាត ហើយមានសារធាតុស្ពាន់ធ័រច្រើនលើសកំណត់ ទើបបណ្ដាលឲ្យទឹកមានសភាពលឿងខ្លាំង ។ ដូច្នោះហើយការទទួលទានអាហារដោយចង្កឹះឫស្សីប្រើម្តងចោល គឺជាហានិភ័យដ៏ធំដល់សុខភាពរាងកាយរបស់មនុស្សយើង ហេតុនេះគួរពិចារណាមុននឹងសម្រេចចិត្តប្រើប្រាស់វា ៕

អត្ថបទទាក់ទង

ការស្រាវជ្រាវ : យុវវ័យដែលចូលចិត្តចំណាយពេល៥ម៉ោងក្នុងមួយថ្ងៃលើបណ្ដាញសង្គម ងាយកើតជំងឺផ្លូវចិត្ត សុខភាពថ្ងៃពុធ ទី២៤ ខែឧសភា ឆ្នាំ២០២៣
យោងតាមការសិក្សាស្រាវជ្រាវមួយដោយក្រុមអ្នកជំនាញអាមេរិកបានបង្ហាញថា មនុស្សពេញវ័យដែលផឹកទឹកមិនបានគ្រប់គ្រាន់ អាចប្រឈមនឹងការចាស់មុនអាយុ ហើយថែមទាំងអាចឈានទៅរកហានិភ័យខ្ពស់កើតជំងឺ រ៉ាំរ៉ៃ នាំឱ្យ ឆាប់ស្លាប់មុនអាយុទៀតផង។ សុខភាពថ្ងៃចន្ទ ទី១៥ ខែឧសភា ឆ្នាំ២០២៣
ឈឺឆ្អឹងខ្នងរាល់ថ្ងៃ បើមិនព្យាបាលទេប្រយ័ត្នអាសន្នធំ សុខភាពថ្ងៃអង្គារ ទី៩ ខែឧសភា ឆ្នាំ២០២៣
ស្វែងយល់ពីជំងឺស្ទះសរសៃឈាមបេះដូង វិធីបង្ការ និងការព្យាបាល សុខភាពថ្ងៃសុក្រ ទី៥ ខែឧសភា ឆ្នាំ២០២៣
ស្វែងយល់ពីរោគសញ្ញាជំងឺលើសឈាម និងមូលហេតុបង្កឡើង សុខភាពថ្ងៃអង្គារ ទី២ ខែឧសភា ឆ្នាំ២០២៣
ក្រសួងសុខាភិបាលអំពាវនាវឲ្យមានការប្រុងប្រយ័ត្នខ្ពស់ការពារសុខភាពក្នុងអាកាសធាតុក្ដៅខ្លាំង សុខភាពថ្ងៃព្រហស្បតិ៍ ទី២៧ ខែមេសា ឆ្នាំ២០២៣