Messi assist ជួយរកបាន ២គ្រាប់ ជួយ Inter Miami ឡើងវគ្គផ្តាច់ព្រ័ត្រពានរង្វាន់ U.S. Open Cup

Messi assist ជួយរកបាន ២គ្រាប់ ជួយ Inter Miami ឡើងវគ្គផ្តាច់ព្រ័ត្រពានរង្វាន់ U.S. Open Cup

កាលពីព្រឹកមិញនេះ អតីតវិរៈបុរសក្លិបអ្នកមានបុណ្យ Barcelona កីឡាករ Lionel Messi បានបញ្ជូនបាល់ឲ្យមិត្តរួមក្រុមស៊ុតបញ្ជូលទីចំនួន ២គ្រាប់ ជួយឲ្យក្លិបបាល់ទាត់ Inter Miami CF បានកក់កៅអីវគ្គផ្តាច់ព្រ័ត្រម្តងទៀតហើយ ក្នុងពានរង្វាន់ពានរង្វាន់ U.S. Open Cup ឆ្នាំ២០២៣ ក្រោយយកឈ្នះ Cincinnati ដោយបាល់កាត់សេចក្តី១១ម៉ែត្រ ៤-៥ បន្ទាប់ពីស្មើ ៣-៣ នៅម៉ោងធម្មតា៩០នាទី និងម៉ោងបន្ថែម១៥នាទី២ដង។

មែនទែនទៅ នេះគឺជាការឡើងទៅវគ្គផ្តាច់ព្រ័ត្រ២លើកជាប់គ្នាហើយរបស់ក្លិបបាល់ទាត់ Inter Miami CF ក្នុងរយៈពេលត្រឹមតែ ៤ថ្ងៃប៉ុណ្ណោះ ចាប់តាំងពីមានវត្តមានរបស់ Lionel Messi, Sergio Busquets និង Jordi Alba មកដល់ទឹកដីអាមេរិក ។

កាលពីថ្ងៃទី២០ ខែសីហានេះ ក្លិបបាល់ទាត់ Inter Miami CF ទើបតែគ្រងជើងឯក Leagues Cup ក្រោយពីយកឈ្នះ ក្រុម Nashville SC ដោយទាត់បាល់កាត់សេចក្តី១១ម៉ែត្រ ក្នុងលទ្ធផល ១០-៩ បន្ទាប់ពីស្មើ ១-១ នៅម៉ោងធម្មតា៩០នាទី និងម៉ោងបន្ថែម១៥នាទី២ដង។

គួរបញ្ជាក់ថា គិតមកទល់ពេលនេះ Lionel Messi បានស៊ុតបញ្ជូលទីសរុបចំនួន ១០គ្រាប់ និងបញ្ជូនបាល់ឲ្យមិត្តរួមក្រុមស៊ុតបញ្ជូលទីចំនួន ៣គ្រាប់ ពីការបង្ហាញខ្លួនសរុបចំនួន ៨ប្រកួត៕