ទៅទស្សនាទាំងអស់គ្នា! ពានរង្វាន់បាល់ទះ ឯកឧត្តមបណ្ឌិត ស សុខា នឹងចាប់ផ្ដើមនៅថ្ងៃស្អែកនេះហើយ

ទៅទស្សនាទាំងអស់គ្នា! ពានរង្វាន់បាល់ទះ ឯកឧត្តមបណ្ឌិត ស សុខា នឹងចាប់ផ្ដើមនៅថ្ងៃស្អែកនេះហើយ

(បាល់ទះ) ៖ ការប្រកួតពានរង្វាន់កីឡាបាល់ទះ ឯកឧត្តមបណ្ឌិត ស សុខា ឆ្នាំ២០២៣ ឬ  SARSOKHA CHALLENGE CUP 2023 នឹងចាប់ផ្ដើមការប្រកួតជាផ្លូវការណ៍នៅថ្ងៃ ពុធ ទី២ ខែសីហា ស្អែកនេះហើយ ដោយមានសមាសភាពក្រុមចូលរួមជាផ្លូវការចំនួន ៩ក្លិប/សមាគម ធ្វើការប្រកួតប្រជែង។

សមាសភាពក្រុមទាំង ៩នោះរួមមាន៖ ក្លិបកីឡាបាល់ទះរដ្ឋបាលរាជធានីភ្នំពេញ, ក្លឹបកីឡាបាល់ទះស្នងការដ្ឋាននគរបាលខេត្តត្បូងឃ្មុំ, សមាគមកីឡាបាល់ទះវិសាខា, ក្លិបកីឡាបាល់ទះកងពលធំអន្តរាគមន៍លេខ៣, ក្លិបកីឡាបាល់ទះបញ្ហាការដ្ឋានអង្គរក្ស, ក្លិបកីឡាបាល់ទះខេត្តតាកែវ, ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ, ក្លិបកីឡាបាល់ទះស្នងការដ្ឋាននគរបាលខេត្តបាត់ដំបង និងក្លិបកីឡាបាល់ទះស្នងការដ្ឋាននគរបាលខេត្តកំពង់ឆ្នាំង។

ការប្រកួតខាងលើនេះ ត្រូបាបបែងចែកជាពីរពូលគឺ ពូល A និងពូល B  ដោយពូល A មាន៥ក្រុម និង B មានចំនួន៤ក្រុម។

សម្រាប់ពូល A មានដូចជា៖
ក្លិបកីឡាបាល់ទះរដ្ឋបាលរាជធានីភ្នំពេញ
ក្លឹបកីឡាបាល់ទះស្នងការដ្ឋាននគរបាលខេត្តត្បូងឃ្មុំ
សមាគមកីឡាបាល់ទះវិសាខា
ក្លិបកីឡាបាល់ទះកងពលធំអន្តរាគមន៍លេខ៣
ក្លិបកីឡាបាល់ទះបញ្ហាការដ្ឋានអង្គរក្ស។

សម្រាប់ពូល B មានដូចជា៖
ក្លិបកីឡាបាល់ទះខេត្តតាកែវ
ក្លិបកីឡាបាល់ទះស្នងការដ្ឋាននគរបាលខេត្តព្រះសីហនុ
ក្លិបកីឡាបាល់ទះស្នងការដ្ឋាននគរបាលខេត្តបាត់ដំបង
ក្លិបកីឡាបាល់ទះស្នងការដ្ឋាននគរបាលខេត្តកំពង់ឆ្នាំង។

បើតាមការបញ្ជាក់របស់សហព័ន្ធកីឡាបាល់ទាត់កម្ពុជា ការប្រកួតពានរង្វាន់កីឡាបាល់ទះ ឯកឧត្តមបណ្ឌិត ស សុខា ឆ្នាំ២០២៣ នេះ នឹង មិនការលក់សំបុត្រនោះទេ ហើយបើកឲ្យចូលរួមទស្សនាដោយសេរី។ បើគ្មានអ្វីប្រែប្រួលនោះទេ តាមការគ្រោងទុក កម្មវិធីប្រកួត នឹងប្រព្រឹត្តិទៅចាប់ពីថ្ងៃទី០២ ដល់ថ្ងៃទី០៦ ខែសីហា ឆ្នាំ២០២៣ នៅសាលវិមាននៃពហុកីឡដ្ឋានជាតិអូឡាំពិក៕