Close

ពាក់កណ្ដាលឆ្នាំ ២០២៣ កម្ពុជារកចំណូលបានជាង ១៧លានដុល្លារពីការលក់សំបុត្រចូលទស្សនា អង្គរ

ដោយ៖ Volak ENN ​​ | ថ្ងៃព្រហស្បតិ៍ ទី៦ ខែកក្កដា ឆ្នាំ២០២៣ ព័ត៌មានជាតិ
ពាក់កណ្ដាលឆ្នាំ ២០២៣ កម្ពុជារកចំណូលបានជាង ១៧លានដុល្លារពីការលក់សំបុត្រចូលទស្សនា អង្គរ ពាក់កណ្ដាលឆ្នាំ ២០២៣ កម្ពុជារកចំណូលបានជាង ១៧លានដុល្លារពីការលក់សំបុត្រចូលទស្សនា អង្គរ

គិតត្រឹមរយៈពេល៦ខែ នៃឆ្នាំ ២០២៣នេះ កម្ពុជាតាមរយៈគ្រឹះស្ថានអង្គររកចំណូលបានសរុប ១​៧​,​៨​៧​៧​,​៤​១​៨​ ​ដុល្លារ​អាមេរិក​ ពីការលក់សំបុត្រចូលទស្សនាតំបន់អង្គរ។ នេះបើតាមការចុះផ្សាយ​របស់គ្រឹះស្ថានអង្គរដែលជាស្ថាប័នគ្រប់គ្រងលើសំបុត្រ ឬបណ្ណចូលទស្សនាតំបន់អង្គរ។

ចំណូលដែលរកបាននេះមានការកើនឡើងជាង ៦០០% បើធៀបទៅនឹងរយៈពេលដូចគ្នានៃឆ្នាំ ២០២២។ ចំណូលប្រមាណជាង ១៧លានដុល្លារនេះផងដែរ ជាចំណូលដែលរកបានក្នុងចំណោម ភ្ញៀវទេសចរជិត ៤សែននាក់។

​បើតាមទិន្នន័យដដែលបានឱ្យដឹងថា សម្រាប់​ខែ​ ​មិថុនា​ ​កន្លងទៅ​ ​កា​រលក់​សំបុត្រ​ដល់​ទេសចរ​បរទេស​មាន​ចំនួន​ ​១​,​៨​១​១​,​៥​៨​៩​ដុល្លារ​ ​កើន​ឡើងជា​ង​ ​២​០​០​%​។​ ​សម្រាប់​នៅ​តំបន់​ប្រាសាទ​កោះ​កេរ​ ​៦​ខែល​ក់​សំបុត្រ​បានជា​ង​ ​៩​ម៉ឺន​ដុល្លារ​ ​រីឯ​កា​រលក់​សំបុត្រ​ទូក​នៅ​ផែ​ចុង​ឃ្នៀ​ស​ ​ក្រុង​សៀមរាប​ ​មាន​ចំនួន​ជិត​ ​៣​០​ម៉ឺន​ដុល្លារ​។

គួររំលឹកថា កាលពីឆ្នាំ ២០២២កន្លងទៅ កម្ពុជា​រកចំណូលបាន​ជាង ១១,៥​​ លាន​ដុល្លារ​ពី​ភ្ញៀវទេសចរ​អន្តរជាតិ​ជាង ២៨​ ម៉ឺន​នាក់​ដែល​ទិញ​សំបុត្រ​ចូល​ទស្សនា​ក្នុង​តំបន់​អង្គរ។ ចំនួននេះមានការកើន ឡើងច្រើនបើធៀបជាមួយឆ្នាំ ២០២១ ដែលជាឆ្នាំដែលពិភពលោកកំពុងមមាញឹកក្នុងការដោះស្រាយ ជាមួយវិបត្តិកូវីដ១៩។

​យ៉ាងណាមិញ គ្រឹះស្ថាន​អង្គរ ជា​គ្រឹះស្ថានសាធារណៈរដ្ឋបាលដែលត្រូវបាន​បង្កើតឡើង​កាលពី​ឆ្នាំ​ ២០១៦ ដែលទទួលបានជំនួយ​បច្ចេកទេស​ពី​ក្រសួងទេសចរណ៍ និង​ជំនួយហិរញ្ញវត្ថុពី​ក្រសួង​សេដ្ឋកិច្ច និង​ហិរញ្ញវត្ថុ​៕

អត្ថបទទាក់ទង