អ្នកកែច្នៃផលនេសាទកាន់តែច្រើនឡើងផ្លាស់ប្តូរពីវិធីសាស្ត្រហាលសម្ងួតត្រីបែបប្រពៃណីមកប្រើប្រាស់វិធីសាស្ត្រទំនើប

ដោយ៖ Volak ENN | ថ្ងៃពុធ ទី៥ ខែកក្កដា ឆ្នាំ២០២៣ សង្គម

ភ្នំពេញ៖ ដោយមានការគាំទ្រពីសហភាពអឺរ៉ុប (EU) និងអង្គការ UNIDO រដ្ឋបាលជលផល (FiA) អ្នកកែច្នៃផលនេសាទកាន់តែច្រើនឡើង បានផ្លាស់ប្តូរពីវិធីសាស្ត្រហាលសម្ងួតត្រីបែបប្រពៃណីមកប្រើប្រាស់វិធីសាស្ត្រទំនើបក្នុងការហាលសម្ងួតត្រី ដោយប្រើប្រាស់បច្ចេកវិទ្យាសូឡាដែលមានឈ្មោះថា “ទូសម្ងួតពន្លឺព្រះអាទិត្យ”។ នេះ បើតាម អអ្គការ UNIDO Cambodia នៅថ្ងៃទី ៤ ខែកក្កដា ឆ្នាំ២០២៣ ។

អង្គការ UNIDO បញ្ជាក់ថា ការហាលសម្ងួតត្រីក្នុងទូសម្ងួតពន្លឺព្រះអាទិត្យនេះ មានសុវត្ថិភាពខ្ពស់ និងឆាប់ស្ងួតជាងការហាលសម្ងួតតាមបែបប្រពៃណី ហើយធ្វើឱ្យត្រីងៀតនៅមានរសជាតិកាន់តែឆ្ងាញ់ពិសាផងដែរ។

បើតាមអង្គការនេះ សហភាពអឺរ៉ុប (EU) និងអង្គការ UNIDO រដ្ឋបាលជលផល (FiA) បាននិងកំពុងជួយដល់អ្នកកែច្នៃផលនេសាទក្នុងការផ្លាស់ប្តូរពីការហាលសម្ងួតត្រីបែបប្រពៃណីមកប្រើប្រាស់ទូសម្ងួតពន្លឺព្រះអាទិត្យជូនដល់ អ្នកកែច្នៃជលផលនេសាទ នៅតាមដងទន្លេមេគង្គ របស់កម្ពុជា ។

មកទល់ពេលនេះមានសហគ្រាសកែច្នៃផលផលិតផលជលផលចំនួន ១០ បានទទួលយកនិងប្រើប្រាស់បច្ចេកវិទ្យានេះក្រោមជំនួយបច្ចេកទេសនិងការគាំទ្រជាសម្ភារបរិក្ខារពីស្ថាប័នខាងលើ។ សា្ថប័នខាងលើនេះដែរ ក៏នឹងបន្តគាំទ្រទៅដល់សហគ្រាសកែច្នៃផល ផលិតផលជលផលផ្សេងទៀតផងដែរ៕

អត្ថបទទាក់ទង

ក្រសួងបរិស្ថានកំពុងជំរុញ និងលើកកម្ពស់ជីវភាពប្រជាសហគមន៍រស់នៅក្នុងភាពស្អាតបៃតង សង្គមថ្ងៃព្រហស្បតិ៍ ទី១២ ខែតុលា ឆ្នាំ២០២៣
ចេញពីការងារជាកម្មកររោងចក្រ បុរសម្នាក់សាកល្បងដាំល្ហុង ទទួលបានផលយ៉ាងគាប់ប្រសើរ សង្គមថ្ងៃអង្គារ ទី១០ ខែតុលា ឆ្នាំ២០២៣
ក្រសួងកសិកម្មនឹងប្រគល់ម៉ាស៊ីនដាំគ្រាប់ស្រូវ ដល់សហគមន៍កសិកម្មនៅខេត្តកំពង់ចាម សង្គមថ្ងៃសុក្រ ទី៦ ខែតុលា ឆ្នាំ២០២៣
មន្ត្រីជំនាញជំរុញឱ្យសហគមន៍កាហ្វេមណ្ដលគិរី ពង្រឹងការដាំដុះប្រកបដោយគុណភាព ដើម្បីទាក់ទាញទីផ្សារ សង្គមថ្ងៃព្រហស្បតិ៍ ទី៥ ខែតុលា ឆ្នាំ២០២៣
ពិតជាអស្ចារ្យ ! ប្រាសាទភ្នំក្រោម ជាជម្រើសសម្រាប់ទស្សនាទិដ្ឋភាពថ្ងៃរះ និងថ្ងៃរៀបលិច យ៉ាងល្អប្រសើរ សង្គមថ្ងៃព្រហស្បតិ៍ ទី៥ ខែតុលា ឆ្នាំ២០២៣
ស្វែងយល់ពីបច្ចេកទេសលាយល្បាយដីសម្រាប់ដាំដំណាំ សង្គមថ្ងៃពុធ ទី៤ ខែតុលា ឆ្នាំ២០២៣