ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អនុញ្ញាតឲ្យទីប្រឹក្សាទំនាក់ទំនងនគរបាលនៃស្ថានទូតចិននៅកម្ពុជា ចូលជួបសម្ដែងការគួរសម
ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ អនុញ្ញាតឲ្យទីប្រឹក្សាទំនាក់ទំនងនគរបាលនៃស្ថានទូតចិននៅកម្ពុជា ចូលជួបសម្ដែងការគួរសម
ភ្នំពេញ : នៅរសៀលថ្ងៃទី១២ ខែមេសា ឆ្នាំ២០២៣ នេះ ឯកឧត្តម ឧត្តមសេនីយ៍ឯក ស ថេត អគ្គស្នងការរង និងជាស្នងការនគរបាលរាជធានីភ្នំពេញ បានអនុញ្ញាតឲ្យលោក លី ស៊ាងម៉ឹង ( Mr. LI XIANG MING ) ទីប្រឹក្សាទំនាក់ទំនងកិច្ចការនគរបាលនៃស្ថានទូតចិនប្រចាំព្រះរាជាណាចក្រកម្ពុជា ដឹកនាំគណប្រតិភូ ចូលជួបសម្តែងការគួរសម និងជូនពរក្នុងឱកាសពិធីបុណ្យចូលឆ្នាំថ្មី ប្រពៃណីជាតិខ្មែរ។
នៅក្នុងឱកាសនេះផងដែរ ឯកឧត្តម ស ថេត ក៏បានលើកឡើងពីកិច្ចទំនាក់ទំនងដ៏ល្អរបស់រដ្ឋាភិបាលចិនជាមួយកម្ពុជាក្នុងនាមជាមិត្តយល់ទុក្ខធុរ: និងជាដៃគូអភិវឌ្ឍន៍គ្រប់ជ្រុងជ្រោយ។
ដោយឡែក លោក លី ស៊ាងម៉ឹង បានថ្លែងអំណរគុណដល់ភាគីកម្ពុជាដែលតែងផ្ដល់នូវកិច្ចទំនាក់ទំនងយ៉ាងស្អិតល្មួតប្រកបដោយភាពកក់ក្ដៅមកជារៀងរហូត៕
