Close

ករណីទាហានថៃឈ្លានពានកម្ពុជា ប្រជាជនកម្ពុជាប្រកៀកស្មាគ្នាការពារអធិបតេយ្យជាតិ

ដោយ៖ Chhan Sreyka ​​ | ថ្ងៃអង្គារ ទី៥ ខែសីហា ឆ្នាំ២០២៥ ព័ត៌មានជាតិ
ករណីទាហានថៃឈ្លានពានកម្ពុជា ប្រជាជនកម្ពុជាប្រកៀកស្មាគ្នាការពារអធិបតេយ្យជាតិ ករណីទាហានថៃឈ្លានពានកម្ពុជា ប្រជាជនកម្ពុជាប្រកៀកស្មាគ្នាការពារអធិបតេយ្យជាតិ

ភ្នំពេញ៖ ក្នុងរយៈពេលជាង ១០ ថ្ងៃចុងក្រោយនេះ បន្ទាប់ពីមានករណីទាហានថៃឈ្លានពានកម្ពុជា ប្រជាជនកម្ពុជាបានបង្ហាញពីស្មារតីរួបរួមជាតិយ៉ាងរឹងមាំ តាមរយៈការប្រើប្រាស់បណ្តាញសង្គម និងការចូលរួមយ៉ាងសកម្មដើម្បីការពារអធិបតេយ្យភាព ឯកភាពទឹកដី និងសេចក្តីថ្លៃថ្នូររបស់ជាតិ។

ជាក់ស្តែងចាប់តាំងពីការរំលោភលើបទឈប់បាញ់ និងការចាប់ខ្លួនវីរកងទ័ពកម្ពុជាដោយខុសច្បាប់ ប្រជាពលរដ្ឋជាច្រើនបានផ្ញើ លិខិតចំហ ទៅកាន់បណ្តាប្រទេសធំៗ និងសហគមន៍អន្តរជាតិ ដើម្បីស្នើសុំឱ្យមានការអន្តរាគមន៍ និងការគោរពតាមបទឈប់បាញ់ដោយស្មោះត្រង់។

ករណីទាហានថៃឈ្លានពានកម្ពុជា ប្រជាជនកម្ពុជាប្រកៀកស្មាគ្នាការពារអធិបតេយ្យជាតិ

យុវជន ជាកម្លាំងចលករដ៏សំខាន់ក្នុងចលនានេះ ដោយបានផលិតខ្លឹមសារជាច្រើនដើម្បីបំភ្លឺការពិត និងទាក់ទាញការចាប់អារម្មណ៍ពីអន្តរជាតិ។

បទចម្រៀងមួយបទរបស់តារាចម្រៀងរ៉េបខ្មែរ លោក វ៉ាន់ដា បានក្លាយជាបេះដូងរបស់ប្រជាជនទូទាំងពិភពលោក រាប់សិបលាននាក់ ដោយសារតែខ្លឹមសាររបស់វាដែលឈរលើ ការពិត យុត្តិធម៌ និងសន្តិភាព។ នេះបានបង្ហាញថា ការតស៊ូរបស់កម្ពុជាមិនមែនជាការតស៊ូឯកោនោះទេ តែទទួលបានការគាំទ្រពីសហគមន៍អន្តរជាតិដែលឈរលើគោលការណ៍ដូចគ្នា។

ត្រង់ចំណុចនេះ លោកបណ្ឌិត គិន ភា ប្រធានវិទ្យាស្ថានទំនាក់ទំនងអន្តរាជាតិនៃរាជបណ្ឌិតសភាកម្ពុជា អំពាវនាវឱ្យបន្តបេសកកម្មរួមគ្នា ដើម្បីការពារជាតិពីការឈ្លានពាន និងការប្រមាថដ៏ឈឺចាប់។ ជាមួយគ្នានេះ លោកបណ្ឌិតបានលើកទឹកចិត្តដល់ប្រជាពលរដ្ឋគ្រប់រូប ឱ្យចូលរួមតាមសមត្ថភាព និងតួនាទីរៀងៗខ្លួន ខណៈអ្នកដែលមិនអាចចូលរួមបាន ត្រូវបានស្នើសុំឱ្យនៅស្ងៀម ដើម្បីកុំឱ្យបំផ្លាញទឹកចិត្ត និងស្មារតីស្នេហាជាតិរបស់ជនរួមជាតិ។

លោកបណ្ឌិតបញ្ជាក់ជាថ្មីថា ការពិត យុត្តិធម៌ និងសន្តិភាព នឹងត្រូវតែឈ្នះ ដោយសារតែការរួបរួម និងសាមគ្គីភាពដ៏រឹងមាំរបស់ប្រជាជនកម្ពុជា៕

ករណីទាហានថៃឈ្លានពានកម្ពុជា ប្រជាជនកម្ពុជាប្រកៀកស្មាគ្នាការពារអធិបតេយ្យជាតិ