សុខ ធី ឆ្លើយបែបនេះ ក្រោយលោក ពេជ្រ សុផាន់ ថា ខ្លួនអត់ហ៊ានវាយហ្គង់ចេញម្រាម ឬអំបោះឆៅ
សុខ ធី ឆ្លើយបែបនេះ ក្រោយលោក ពេជ្រ សុផាន់ ថា ខ្លួនអត់ហ៊ានវាយហ្គង់ចេញម្រាម ឬអំបោះឆៅ
កាលពីពេលថ្មីៗនេះ លោកគ្រូ ពេជ្រ សុផាន់ ក្លឹបប្រដាល់ពេជ្រសុផាន់គុនខ្មែរ បាននិយាយថា សុខ ធី អត់មានលេងហ្គង់ចេញម្រាម ឬអំបោះឆៅជាមួយ ពេជ្រ សម្បត្តិ សិស្សរបស់លោកទេ ហើយស្រាប់តែ សុខ ធី ជាសាមីខ្លួន អះអាងថា រូបគេមិនបាននិយាយទេ។
ជុំវិញវិញការលើកឡើងរបស់លោកគ្រូ ពេជ្រ សុផាន់ អ្នកគុនខ្មែរមកពីក្លិបគុនខ្មែរជើងឯកពិភពលោក (KKIF) រហស្សនាមមនុស្សឈើ សុខ ធី បានតបទៅវិញថា គេមិនបានខ្លាចទេ គ្រាន់តែហ្គង់ចេញម្រាម គេធ្លាប់បានប្រកាសពី មុនមកហើយគឺគេមិនទទួលប្រកួតទេ ព្រោះតែគេស្នាមរបួសនៅប្រអប់ដៃរបស់គេ។ ដូជ្នេះគេទទួលតែការប្រកួតហ្គង់ធំធម្មតាតែប៉ុណ្ណោះ ព្រោះតែគេចង់ថែរក្សារាងកាយរបស់គេដើម្បីអាចប្រកួតបានយូរអង្វែង។
ដោយឡែកសម្រាប់អ្នកលេងគុនខ្មែរ រហស្សនាម ក្របីព្រៃ ពេជ្រ សម្បត្តិ វិញ បាននិយាយដែរថា ហ្គង់អីក៏គេវ៉ៃបាន ហើយសូម្បីតែដៃទទេក៏គេវ៉ៃដែរ។ យ៉ាងណា ច្បាប់នៃការចុះកុងត្រាបានធ្វើរួចហើយ ពោលគឺការប្រកួតរវាងអ្នកទាំងពីរគឺធ្វើឡើងដោយប្រើហ្គង់ធំគឺហ្គង់លេខ៨ ប្រកួត៥ទឹក។
គួរបញ្ជាក់ថា ក្របីព្រៃមុខដែក ពេជ្រ សម្បត្តិ និងមនុស្សឈើ សុខ ធី នឹងត្រូវប្រកួតក្នុងកម្មវិធី XTREME Power Boom នៅសង្វៀនហង្សមាស ដែលជាការប្រកួតដណ្ដើមខ្សែក្រវាត់ 60Kg តែទោះបីជាយ៉ាងណា មិនទាន់បានបញ្ជាក់ពីកាលបរិច្ឆេទជាក់លាក់នោះទេ ប៉ុន្តែបើតាមប្រភពមួយចំនួនបាននិយាយថា ជំនួបរវាងជើងខ្លាំងទាំងពីរ នឹងធ្វើឡើងនៅចុងខែនេះ៕
