លោក Trump ចោទ លោក Zelenskyy ថាជា «ជនផ្តាច់ការ»
លោក Trump ចោទ លោក Zelenskyy ថាជា «ជនផ្តាច់ការ»
អាមេរិក៖ ប្រធានាធិបតីសហរដ្ឋអាមេរិក លោក Donald Trump បានចោទ លោក Volodymyr Zelenskyy ប្រធានាធិបតីអ៊ុយក្រែនថាជា “ជនផ្តាច់ការដោយគ្មានការបោះឆ្នោត” ខណៈពេលដែលទីក្រុងវ៉ាស៊ីនតោនព្យាយាមបញ្ចប់សង្រ្គាមជាមួយរុស្ស៊ី។
នៅក្នុងការបង្ហោះដ៏វែង នៅលើវេទិកាប្រព័ន្ធផ្សព្វផ្សាយសង្គម Truth Social កាលពីថ្ងៃពុធ លោក Trump បានចោទប្រកាន់ Zelenskyy ថាបានយកលុយសហរដ្ឋអាមេរិក និងធ្វើឱ្យប្រទេសនេះធ្លាក់នៅក្នុងជម្លោះមិនចេះចប់។
ជាមួយគ្នានោះ លោក Trump ក៏បានធ្វើការេអត្ថាធិប្បាយដដែលជាដដែលលើបញ្ហានេះ ដោយប្រាប់អ្នកចូលរួម នៅក្នុងកិច្ចប្រជុំកំពូលវិនិយោគនៅទីក្រុង Miami ថា លោក Zelenskyy បានធ្វើការងារដ៏គួរឱ្យភ័យខ្លាច ដោយបានធ្វើឱ្យប្រទេសខ្លួនធ្លាក់ក្នុងភាពខ្ទេចខ្ទាំ ហើយមនុស្សរាប់លាន បានស្លាប់ ។
លោក Trump បានវាយប្រហារមេដឹកនាំអ៊ុយក្រែនដោយផ្ទាល់នៅលើប្រព័ន្ធផ្សព្វផ្សាយសង្គមថា «សូមគិតអំពី តារាកំប្លែងដ៏ជោគជ័យម្នាក់ឈ្មោះ Volodymyr Zelenskyy បាននិយាយអំពីសហរដ្ឋអាមេរិកក្នុងការចំណាយប្រាក់ចំនួន ៣៥០ ពាន់លានដុល្លារ ដើម្បីចូលទៅក្នុងសង្រ្គាមដែលមិនអាចឈ្នះបាន និងមិនគួរចាប់ផ្តើម» ។
ប្រធានាធិបតីអាមេរិករូបនបានបន្តដោយនិយាយបញ្ឆិតបញ្ឆៀងថា លោក Zelenskyy មានចេតនាអាក្រក់ចង់ឲ្យអ៊ុយក្រែនបន្តប្រយុទ្ធដើម្បីទឹកដីរបស់ខ្លួន។
ការបង្ហោះតាមប្រព័ន្ធផ្សព្វផ្សាយសង្គមរបស់លោក Trump បានបង្ហាញពីការវាយប្រហារដ៏ខ្លាំងបំផុតរបស់លោក ទៅលើប្រធានាធិបតីអ៊ុយក្រែន ដែលជាសម្ព័ន្ធមិត្តរបស់សហរដ្ឋអាមេរិក ដែលបានដឹកនាំការប្រយុទ្ធឆាំងនឹងការឈ្លានពានរបស់រុស្ស៊ីចាប់តាំងពី ខែកុម្ភៈ ឆ្នាំ 2022។
ប៉ុន្តែបន្ទាប់មកលោក Trump បានមានអរិភាពចំពោះ លោកZelenskyy នៅក្នុងសុន្ទរកថាក្រោយរបស់លោក នៅទីក្រុង Miami ដោយដាក់ឈ្មោះមេដឹកនាំអ៊ុយក្រែនថាជា «ជនផ្តាច់ការ» និងបានសរសើរចំពោះការផ្លាស់ប្តូររបស់លោកចំពោះប្រទេសរុស្ស៊ីលើកិច្ចព្រមព្រៀងដើម្បីបញ្ចប់សង្រ្គាម។
លោក Trump បាននិយាយនៅលើឆាកនៅឯកិច្ចប្រជុំកំពូលរបស់វិទ្យាស្ថាន Future Investment Initiative (FII) ថាលោកZelenskyy ជា
«ជនផ្តាច់ការដែលគ្មានការបោះឆ្នោត»៕
