អ្នកសុំទានជាជនជាតិថៃ ខ្មែរ និងបរទេសសរុប ១២នាក់ ត្រូវបានចាប់ខ្លួនក្នុងទីក្រុងបាងកក

អ្នកសុំទានជាជនជាតិថៃ ខ្មែរ និងបរទេសសរុប ១២នាក់ ត្រូវបានចាប់ខ្លួនក្នុងទីក្រុងបាងកក

បាងកក៖ មន្ត្រីអន្តោប្រវេសន៍របស់ប្រទេសថៃ បានដើរប្រមូល និងចាប់ខ្លួន អ្នកសុំទានជាជនជាតិថៃ ខ្មែរ និងបរទេសចំនួន១២នាក់ផ្សេងទៀត ដើម្បីបោសសម្អាតអ្នកសុំទាននៅទីក្រុងបាងកក កាលពីយប់ថ្ងៃព្រហស្បតិ៍ និងស្តារមុខមាត់វិស័យទេសចរណ៍។

តាមការចុះផ្សាយរបស់កាសែត Bangkok Post ឱ្យដឹងថា អ្នកសុំទានជនជាតិថៃម្នាក់ត្រូវបានគេរកឃើញមានលុយជាង ៣០០,០០០បាតជាប់នៅនឹងខ្លួន និងប្រហែលមួយលានបាតនៅក្នុងគណនីធនាគារ។

មន្ត្រីអន្តោប្រវេសន៍ ប៉ូលិស Lumpini និងមន្ត្រីសុខុមាលភាពសង្គមត្រូវបានបញ្ជូនទៅត្រួតពិនិត្យនៅតំបន់សេដ្ឋកិច្ចរបស់ទីក្រុងបាងកកនៅតាមផ្លូវ Sukhumvit ពីផ្លូវបំបែក Asok ដល់តំបន់ Nana កាលពីយប់ថ្ងៃព្រហស្បតិ៍ បន្ទាប់ពីមានការត្អូញត្អែរថាអ្នកសុំទានជាច្រើនបានកើនឡើងនៅតាមបណ្តោយផ្លូវនេះ ដែលធ្វើឲ្យខូចមុខមាត់ទេសចរណ៍របស់ប្រទេស។

ប្រតិបត្តិការនេះដឹកនាំដោយលោក ប៉ូល លីសៀ ពុងសោមបាត នាយរងការិយាល័យអន្តោប្រវេសន៍ផ្នែកទី១ និងលោក Thapanee Sirisomboon ប្រធានមជ្ឈមណ្ឌលគាំពារជនទុរគតទីក្រុងបាងកក បានឃាត់ខ្លួនអ្នកសុំទានជាជនជាតិថៃចំនួន ៨នាក់ ខ្មែរ២នាក់ ឡាវម្នាក់ ព្រមទាំងជនជាតិមីយ៉ាន់ម៉ាម្នាក់។

ក្រុមមន្ត្រីនិយាយថា អ្នកសុំទានបរទេសទាំងបួននាក់ត្រូវប្រឈមនឹងការចោទប្រកាន់បន្ថែមពីការចូលប្រទេសថៃខុសច្បាប់។ ក្នុងចំណោមអ្នកសុំទាន ស្ត្រីជនជាតិថៃម្នាក់ត្រូវបានគេរកឃើញថាមានលុយជាង ៣០០,០០០បាត និងគណនីធនាគារដែលមានប្រហែលមួយលានបាត។ ស្ត្រីរូបនោះបានប្រាប់សមត្ថកិច្ចថា រូបគេបានមកលុយពីការសុំទាន៕