ការបោះឆ្នោតប្រធានាធិបតីអាមេរិកនឹងចាប់ផ្តើមនៅថ្ងៃស្អែកនេះ

ការបោះឆ្នោតប្រធានាធិបតីអាមេរិកនឹងចាប់ផ្តើមនៅថ្ងៃស្អែកនេះ

អាមេរិក៖ ការប្រជែងការបោះឆ្នោតប្រធានាធិតីសហរដ្ឋអាមេរិក រវាងបេក្ខជនមកពីគណបក្សប្រជាធិបតេយ្យ លោកស្រី Kamala Harris និងលោក Donald Trump មកពីគណបក្សសាធារណរដ្ឋជិតឈានដល់ទីបញ្ចប់ ពោលគឺនៅសល់តែមួយថ្ងៃទៀតតែប៉ុណ្ណោះដល់ថ្ងៃបោះឆ្នោតហើយ ។

មុននឹងការឈានមកដល់ការបោះឆ្នោត លោកស្រី Harris បានធ្វើការជួបជុំឃោសនាបោះឆ្នោត ជាច្រើននៅរដ្ឋ Michigan ខណៈដែលលោក Trump បានជួបជុំអ្នកគាំទ្រនៅក្នុងរដ្ឋ Pennsylvania រដ្ឋ North Carolina និងរដ្ឋ Georgia ដែលជារដ្ឋដ៏សំខាន់ជាងរដ្ឋណាៗទាំងអស់។

លោក Trump បានអញ្ជើញទៅកាន់រដ្ឋ Virginia និង North Carolina កាលពីថ្ងៃសៅរ៍ ខណៈដែល លោកស្រី Harris ក៏ស្ថិតនៅក្នុងរដ្ឋ North Carolina ហើយបានបង្ហាញខ្លួនគួរឱ្យភ្ញាក់ផ្អើលនៅ រាត្រីថ្ងៃសៅរ៍នៅទីក្រុងញូវយ៉ក។

ការបោះឆ្នោតជាតិជ្រើសរើសប្រធានាធិបតីសហរដ្ឋអាមេរិក នឹងចាប់ផ្តើមនៅថ្ងៃទី ៥ ខែវិច្ឆិកា ឆ្នាំ ២០២៤ ហើយត្រូវបានគេរឹតបន្តឹងសន្តិសុខថែមមួយកម្រឹតទៀត ។ បច្ចុប្បន្ន តាមសន្ទស្សន៍ លោក Harris គឺនាំមុខគេត្រឹមតែមួយពិន្ទុប៉ុណ្ណោះ ៕