តោះ! ទៅមើលលទ្ធផលការប្រកួត English premier league សប្ដាហ៍ដំបូង ខណៈក្រុមធំៗ សុទ្ធតែធ្វើបានល្អ

តោះ! ទៅមើលលទ្ធផលការប្រកួត English premier league សប្ដាហ៍ដំបូង ខណៈក្រុមធំៗ សុទ្ធតែធ្វើបានល្អ

(បាល់ទាត់)៖ ការប្រកួតបាល់ទាត់លីគកំពូលអង់គ្លេស ឬ English Premier League រដូវកាល 2024-25 បានបញ្ចប់សប្ដាហ៍ទីមួយហើយ ដោយក្នុងនោះគេសង្កេតឃើញថា ក្រុមធំៗសុទ្ធតែទទួលបានជ័យជំនះ ក្នុងការប្រកួតបើកឆាករបស់ពួកគេ លើកលែងតែក្រុមតោខៀវ Chelsea ប៉ុណ្ណោះ។

សម្រាប់ការប្រកួត Premier League សប្ដាហ៍ដំបូងនេះ ក្រុមការពារដំណែងជើងឯក មេឃខៀវ Manchester City នៅតែបន្តភាពខ្លាំងរបស់ខ្លួន ក្រោយយកឈ្នះ លើក្រុមតោខៀវ Chelsea ក្នុងលទ្ធផល ២-០ នៅកីឡដ្ឋាន Stamford Bridge។

ចំណែកក្រុមធំៗ ផ្សេងទៀតដូចជា ក្រុមបីសាចក្រហម Manchester United, ហង្សក្រហម Liverpool, ក្រុមកាំភ្លើងធំ Arsenal និងក្រុមសារិកាព្រៃ Newcastle សុទ្ធតែទទួលបានជ័យជំនះដូចគ្នា ក្នុងសប្ដាហ៍ដំបូងនេះ។

ខាងក្រោមនេះ ជាលទ្ធផលការប្រកួត English premier league សប្ដាហ៍ដំបូង៖
– Manchester United 1-0 Fulham
– Ipswich Town 0-2 Liverpool
–Arsenal 2-0 Wolves
– Everton 0-3 Brighton
-Newcastle 1-0 Bournemouth
–Brentford 2-1 Crystal Palace
– Chelsea 0-2 Manchester City
– West Ham 1-2 Aston Villa
– Leicester City vs Tottenham Spur (ប្រកួតនៅយប់នេះ) ។

គួរបញ្ជាក់ថា គិតត្រឹមសប្ដាហ៍ទី១ ការប្រកួត English premier league មានគ្រាប់បាល់កើតឡើងសរុបចំនួន ១៧គ្រាប់ និងកាតក្រហមចំនួន២ ដោយបានទៅលើកីឡាករ Ashley Young របស់ Everton និង Fabian Schar របស់ Newcatle៕